هذي القصيدة كتبها شاب متهور كان مع امه في حادث سيارة وماتت وهو نجا !!

ان شاء الله ما أحد يكون في مثل مكانه وبهذي الحالة

يواسيني و انا الميت وحالي يجبر الدمعات
تسيل من الذي فيني و يبكي وهو يواسيني
وانا ابكي واتنهد وارسم بالحزن لوحات
يجبروني عشان امشي و رجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى الي يصحيني
فداك القلب يا يمه ومهما قلت من كلمات
صغيرة في كبر حقك بس اتمنى تعذريني
نهيت الفرح من بيتي صحيح اني خسيس الذات
صحيح اني ولد طايش وكل ما اسمعه فيني
تجول عيونهم فيني تفصل مني قياسات
وتشيح وجوههم عني وكأني غيرت ديني
يظنوا حزنهم اكبر وهم اصحاب المأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يا يمه ارجعي كافي! ابجلس معك لو لحظات
واقبل ايدك ورجلك وافرش لك رمش عيني
يا يمه ما اتحملهم يقولون فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبين بسكات
واصلي الفجر بالمسجد قبل منتي تصحيني
يا يمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

الله روعه بس تحزن مشكوره

مشكورة اختاة فعلا رائعة
تحياتى

شكرا على ردك اخي جلود ستون
واخي مناااوي

اميرة الظلام


كل عام وانت بخير

وكل سنه وانت عروسه


ونسمع عنك اخبار حلوة



موضوعك جميل


وجزاك الله خير





امير النهار

شكرت بس انا لسة صغيرة عالجواز شكرا بززااافففف

قصيدة في منتهى الحزن والألم ..

الله إحفظ إمهاتنا ... وأمهات المسلمين .. أجمعين ..

قصيدة في منتهى الحزن والألم ..

الله إحفظ إمهاتنا ... وأمهات المسلمين .. أجمعين ..
يسلمووو أميرة الظلام علي القصيدة ..
وتقبلي تحياتي
سارا السلطان

قصيده كلها حرقة وألم لاتوصف وعجز يكتب احساسه واعتذاره

والله بكيت من هالقصيده فيها احساس صادق والندم تقتل نفس هذا الشاب

اللهم ارحم والدته واجبر قلبه وهون مصيبته

اشكرك على نقل القصيده

الام محلى هذا الاسم .......
جميل مانثتري أميرة الظلام .
فهذي قصة جدا مأثرة في نفوس البشر .
يعطيكي العافية
وتقبلي مروري
جداوي كووول444