خلي الغرور يا مغرور ينفعك خله يوديك وين مايوديـك

تأخرت وصار صعب أعذرك ومستحيل أصلا اني أراضيك

ماعاد بقى لي صبر يرحمـك ماعاد بقى لي صوت يناديك

صوتي انحرق من كثر صدك صبري انقتل وأنا أدور عليك

خلي الغرور ينفعك ويرفعك ياسيدي مافكرت وطز فيك

حتى أنا ماني أنا بعد جرحك ولاودي تجي ولا ودي أجيك

و اليوم الخجل صـار يقتلك والغرور يتواضع بين ايديـك

خلي الغرور يعوظك بحبـك و الغرور مابيلقى شي فيـك

الشاعر اديب

















رمتني أقدار رب الكون على ساحل ألم وأحزان..
رمتني واتعبتني حيل عن الغالي وعن ظلاله..

أنا مقدر أفارقه وأفارق صوته الرنان..
ولا أقدر أطالعه ظروفي تمنع أطلاله..

وهمي لوتشيله أرض هزت فوقها البنيان..
وحزني لويشيله كون هدت باقي جباله..

كفاني ياحزن تكفى تراني في النهايه إنسان..
لا أقوى ولا أتحمل حزين وحالتي حاله..

حالي يكسر الخاطر وهمي كسرالجدران..
وقلبي بالحزن متروس ودمعي أصغرعياله..

أبتصبر ولا أقدر وقلبي مسكنه نيران..
لوعة حب في قلبي هزت فيه زلزاله..

مجرى الدمع على وجهي يرسم لوعة الحرمان..
ويستغرب عيون الناس لين الدمع ماجاله..

أنا والحزن والدمعه على مر السنين أخوان..
وفرحي مايحس فيني ولا أخطر على باله..

أنا ماظنتي أفرح وقلبي مفارق الخلان..
مدام الحزن متشتت صعب أمطاري ينهاله..

وحظي آآآه ياحظي ماقدر لأن ماقد بان..
دايم عابس بوجهي ويقهرني على باله..

وهمي آآآه ياهمي يحاربني وهوالكسبان..
ويجمع[شلة الأحزان]وبها قلبي لحاله..

سؤال..؟أكرره دايم متى ينادوني الفرحان،
متى نلقى أحبتنا ونشرب وقتها بياله..

متى الحظ يضحك لي؟ ونسمع أجمل الألحان..
متى نفرح؟ متى نضحك؟ متى نفارق هالحاله..

××× مــ خـــ تــــ ا ر هــ ×××










هزني الشـوق أكتب للناس رسالـه أكتب للناس عن قصة حبي الحزينـه

عن انسان من الحب و ايش جرالـه يازين البدايـه بس النهايـه شينـه



عشق باخلاص وهذا هوكان حالـه عشق بجنون وكان يشهد له حنينـه

ماحسب للجروح ولاجات على باله طيّب وطيبتـه تقرونها على جبينـه



بادَلَته شعور الحب وتحققت آمالـه زانت معاها أيامه و احلوّت سنيـنه

كان يدلّلها الين تذوب من دلالـه من زود دلالـه كان يغازلها بعينـه



كان بحبها يتباهى و يغيض عذالـه ويفتخـر فيهـا و يناديها الأمينـه

كتب فيها أشعار ونزل عنها مقالـه مايوم هانها و هي ما فكرت تهينـه



وكانت تحبه و تقول تعشق أقوالـه وكانت تمدح عشقه وتقول يازينـه

وغير الحب و الغـرام أبد ماجالـه عاش معاها و ماتوقع تخيّب ظنينـه



فجأه المسكين تغيرت كل أحوالـه وعاش في نار العـذاب الله يعينـه

انجرح ومن الجروح تغيرت أفعالـه ذاب صوته وصرنا نسمع منه أنينـه



أعطاها حبّه وأخذ جرحها وشالـه وين صدقها وين حبها اليوم وينـه

يعني هذاجزا صدقه جروح ونذالـه ليه كذا و ايش من الدنيا ماخذينـه



حسبي الله على اللي جـاله ونالـه والله انّها خسرت حبّه المسكينــه

يالله هذا نصيبـه وربنـا أعطالـه وهذي هي باختصارقصتي الحزينـه

صوتي انحرق من كثر صدك صبري انقتل وأنا أدور عليك

اشعااااار روعه مره

للاماااام وننظر المزيد

تقبل مروري

اختيار رائع ............

تانكش مدهش رائع

مرحبا حبيت أشكرك على الكلام الحلو ( كل هذا الكلام مايخرج من واحد الآ مذبوح من إنسان يحبة ويعزة ) بس عندي نقد فيها لو تشيل طز فيك تحط كلمة تهز كيان قلب المحبوب بس كلمة طيبة له ولي أمثاله.....
أتمنا أن أسمع أشعار أحلى وأحلى بعد ....
أخوك / الأمير طلال الحسن (( نديم الليل ))