بسم الله الرحمن الرحيم

السلام عليكم ورحمة الله وبركاته ،،، الغربه وفراق البلاد وفراق الاهل والاحبه ،،، شي يضيق الخاطر وشي كبير وشي يعور القلب ،،، لكن في بعض الامور لازم الانسان يغترب ،،، وخاصه اذا الانسان اغترب عشان يشرف بلاده ويرفع راس هله وجماعته ،،، وعلى ماقال الشيبه (من غبر شاربه دسمه) ،،، انا مثل ماقلت من قبل ادرس برع قطر في كلية شرطه ،،، ومره من المرات كنت متضايق ومهرب تلفون معاي في الكليه هههه ،،، المهم كلمت ابوي وانا في الكليه وقلت له يابوي انا متضايق ومتملل ،،، رد عليي ياولدي الله يكون في العون وكلنا حاطين الامل على الله ثم عليك ،،، ومن غبر الشارب دسمه ،،، وطرش لي رساله على التلفون (اخوي مطرشها ابوي مايعرف يطرش) ،،، وهي عباره عن كم بيت ،،، الصراحه اثرت فيني كل التاثير الايجابي ،،، ومازادتني الا عزم وتصميم وقوه من بعد فضل الله عليي لكم الابيات :



ســــــــلام ياتركي ســــــلام يسرك ،،، من والديــــك واشــــقاك الصغار
وايضا عضيدك بكل شي يبرك ،،، ندعي الهدايه في المماسي والاسحار
توكل على الله ترى الله حرزك ،،، من ميلات الوقت ومن لج الابحــــار
خيرك وشرك من بنيات فكرك ،،، وحذراك من اهل المظـاهر والتفشار
ويلك لاطففت بالحق وزنك ،،، تلزم كتابك بين ايمـــــــان وايســــــــــار
وآخـــر مقـــالي شدد الله عزمك ،،، وبُعــــد النهــــــــايه ماتفيد الاعذار



وسلامتكم ،،،


ورديت عليه بهالابيات :


حــــي جــــواب لفــى من مقرك ،،، والفــين ترحـــيبه وازيــــدهم ملـــيار
ابشــر يابـــوي بعلـــوم تســرك ،،، بتوصــــلك عنا طـــــيبات الاخبـــــــار
علــى العهــــد باقي يابوي وابشرك ،،، بشهادة طيبه تخـــتم المشــــــوار
ماني بمنسحب منها او اترك ،،، المرجله لاجل ارجع واسكـــن الـــــدار
لايشغل هالموضوع يابوي فكرك ،،، ماتساوت الشراييس بطيور سـنجار
قــد قلـــت يــابوي الهين لايغرك ،،، بعد النهـــايه يابوي ماتفـــيد الاعذار

وسلامتكم ،،،

علــى العهــــد باقي يابوي وابشرك ،،، بشهادة طيبه تخـــتم المشــــــوار

روعه مرره عجبتني

تحياتي

معذبه حيل


منورة ياغالية بارك الله فيك

salut azin tel 069653117 ok