أخواتي أعضاء منتدى ساركو
أعجبتني هذه القصيدة وأتمنى أن تعجبكم شاعر يسند على الطلح والطلح يرد عليه ..............

ويقول الشاعر:_

يالطلح مامرك مع الصبح صافي
طير غدالي امس والشمس حيه

اتلى العهد به راحي طرد مقافي
خبريبه اومى في جناحه هنيه


رد الطلح:

لاوالله الا مرنا العصر وافي
كنه غلام مستغير بهيه

اقبل علينا ثم اخذ بانحرافي
يو م الحباري وقع له سويه



قال الشاعر :

يالطلح قلي عل ما به خلافي
البارحه برد وشمال قوووويه

كانه تعشى قلت عله عوافي
والحي يجمعه الولي مع خويه


رد الطلح :

لا والله الا صاد خرب متعافي
واخذ عليه من الثنادي شويه

لامفلس مره ولاقال كافي
يوم اخلفنه عن عشاه عقبيه



قال الشاعر :

خابر والله قاطع مايخافي
دايم على الصيده تجيله حميه

انشدك باللي منبتك بالسوافي
عساه في خير ولا فيه سيه



رد الطلح :

خبريبه اقرش في سبوقه خلافي
مابه بلا وامرح على هالحصيه

والفجرشخص بالنواظر وشافي
طلعه بعيد ويمته ساحليه



قال الشاعر :

ذا حبه ولاهوب خافي
متعادل حبه بحب البنيه

بعض الطيور ان راح قلنا عوافي
لاشك هذا وين ابلقى حليه



رد الطلح:

اتعب عليه وعادت الحر يافي
اضرب سهلها والوعر والشغيه

يحيبه اللي رازق هالعجافي
بهايم تمشي على غير نيه



قال الشاعر:

يالطلح لك مني يابو غصن ضافي
لاجابه الله وكل نيه مطيه

لاجيك انا في موتر القش هافي
واسقيك اللي باقي في تانكيه

واوطى على رملت سوافيك حافي
وكل على ما قيل يذكر خويه

صح لسان من قال وسلم يد من كتب

يعطيك العافيه