خسرتيني




انا ماشفت نفسي يوم لاني منخلق من طين
ولو اسمي وصل عالي بظل الي عرفتيني!!



ولكن للاسف هانت ليالينا بغمضة عين
وعلى الفرقا اسبابك نعم انتي جبرتيني!!



توصيتي بطعناتي وبعد ما تنزف السكين
وقبل لا الفظ انفاسي على نفسي توصيني!!



دخيلك قلبي الوافي لاتخلينه ولا تطرين
وراس الي تحبينه تصدي عن مدى عيني!!


وصلتي حق نهاياتي وشاللي بس بقا تنهين
على ما اظن ماباقي ولا حاجه تحس فيني!!



مدام انك تحبيني وبنفس الوقت ماتوفين
ومدام انك وفيتي له وبنفس الوقت خنتيني!!

وشاللي بس تحسينه اذا انتي كنتي تحسين
تحـــبيني وتحــبينه .. تحــبينه وتحــــــبيني!!



حضنتي قلبي ونمتي وعلى صوتي انا تصحين
وإلا مـــنك تمـــللتي تحـــضنينه وتمــــــسيني!!


محال تصير في الدنيا بشر في داخله قلبين
تــبينه بقـلب وفـي قـلبك بـعد قـلبٍ ينـاديني!!



انا مابيك لو انك على الفرقا دهر تبكين
صعب ارضى بنزواتك ولوحتى بغيتيني!!



ثلاث سنين أو أربـع وكاد انها كثير سنين
بعد هذا العمر كله على ايامي صدمتيني!!



بعد لاتنطقي بكلمه رجيتك اسكتي تكفين
اخاف انك ان تكلمتي خطأ باسمه تسميني!!



واذا مره ذكرتيني مع الايام اب تنسين
ويبقى لك مثل ذكرى جميله لا ذكرتيني!!



كثير الي يتمنونك واكيد انك تبين تلقين
وانسي يوم ما انتي تمنيتي ولقيتيني!!



انا وش جابني لدربك انا وين وغرامك وين
انا اكبر من عيوبك وعيب انك عرفتييني!!



وانسى انك ذبحتيني وامانه ادفني السكين
وعلى قبري بدال اسمي ابي كلمة خسرتيني!!





امير النهار

كلمات مؤثره جدا

ع الجرح والله

تحياتي