عزيزي ابو ضياء استمتعت جدا بهذا الموضوع
وشكرا لدعوتك لي .
واعجبتني ردود رزقاوي
ياخي ضحكني بخفه دمه .
ونبدا بسم الله بالاجابه على الاسئله .

1/ وش نوع سيــارتك ووش لونـــها ؟
افيو 2005 رصاصي


2/ وش نــوع كفراتك ؟
كومهو

3/ تحب التعديــل .. اذا نعم وش عدلت في سيارتك ؟
لا . لان ما عندي وقت



4/ قد فحطت بسيارتك؟
زمان على ايام الدجه والرجه كان عندي كرسيدا لعنت خيرها واي سياره تطيح تحت يدي لازم افحط بها بس الحمد لله عقلنا وبطلنا هالحركات .

5/ آخر مره غسلتها ؟
الاسبوع الماضي .

6/ مــن علمك السواقه ؟
الفضول واطاله النظر في السواقين ثم الى سرقه سيارة ابوي وتعلمت من تلقاء نفسي

7/ اول سيــاره سقتها ؟
نيسان لوريل حقت عمي

8/ اول سيــاره لك ؟
هونداي اكسنت سنه 2001 وكانت موديل السنه .


9/ اول مكان رحت له بسيــارتك ؟
كورنيش الخبر . د . كيف



10/ اول حادث صار لك ؟
طريق الخبر الجبيل السريع انحرفت عن المسار ودخلت في الصبه .
بس اسواء حادث انقلبت بجيب لاندكروزر اربع قلبات والحمد لله طلعت منها ببعض الرضوض .


11/ اول مخالفه ؟
مخالفه سرعه على طريق الدمام المطار .

12/ دخــلت التوقــيف ؟ .. اذا نعم وش قالك ابــوك ؟ >>>وأمك وش سوت لما درت
دخلت التوقيف بس مو في مخالفه مرور ( بسبب مضاربه _ ايام الدجه والرجه الله لا يعيدها ) ..

13/ ويــن توقف سيارتك داخل البيــت ولا في الشـــارع ؟
في الشارع

14/ شــخص ودك دايـــم يجلس معك قدام ؟
اختي الوسطى احبها واحب السواليف معها .

15/ أشخاص ودك دايــم تطـلــع معهم ؟
شله الدعوه ( مجموعه من الاصدقاء نخرج سويا الى مناطق تجمعات الشباب ومواطن الفساد ونقوم بدعوتهم وتذكيرهم بالله وكثير منهم والحمد لله رجعوا للحق وكثير منهم ولله الحمد التزموا وصارو معنا في قوافل العائدين .



16/ لـو أحد طلب سيارتك يروح فيها مشوار قريب تعطيه ولا لا ؟
لا ما اعطيها لاي حد لازم يكون ثقه
يعني مثلا اليجا او الرسمي بعطيهم على طول

17/ احسن وأشين شي في سيـارتك ؟
انها صغيره ما الاقي مشكله في المواقف . اي مكان يسعها . هذه احسن حاجه .
اشين حاجه ان المسجل خربان واني مش لاقي فرصه او وقت اروح اصلحه .

18/ بنروح رحله بسيــارتك مين تختـار من الاعضـاء يركبـون معك ؟
بيركب معي ابو ضياء واليجا والرسمي ورزق . بس في ناس تاني احب انهم يطلعوا معي بس لما اشتري باص انشاء الله ..

19/ سياره تحبها ؟ ...... سياره تتمناها ؟
الرنجروفر - واتمنى سياره صالون لكزس ...


20\ اذا ماعليك كلافه صور لنا سيارتك ورزها هنا ((وهــذا الطلب اختياري ))
مادام انه اختياري
خليها مستورة احسن .

شكرا جزيلا لهذه المساحه الجميله من التنفس