SilkRoad Online







الشرح المفصل للعبة الاولى الاونلاين على مستوى العالم

لعبة SILKROAD ONLINE

ليه هي رقم 1

بالتأكيد لانها تفوقت على العاب كتير زي ال WOW و MU خصوصاً في اسلوب القتال الرائع واسلوب الوظائف المتعددة زي التاجر والحرامي
واللي يجعلها لعبة مش ممكن تمل منها الا اذا وصلت فيها لليفل كاب 70 ليفل
سيلك روود تتحدى الملل

بداية اللعبة الحقيقية من ليفل 20 تديلك فرصة محترمة انك تتعرف عاللعبة وتاخد فكرة عنها قبل ما تبدأ الوظائف ( تاجر - حرامي - هانتر )

اللعبة تعتبر مجتمع واقعي باعتبارها لعبة اونلاين تحاكي مجتمع انت عايشه في حياتك

لانها وباختصار من النوع MMORPG يعني بتلعب بلاعب معين كانك انت بالضبط وتشتريله لبسه واسلحته وتطورها وتقويها وتزود قوته كل ما زاد في الليفل

الجرافيك فيها قمة قمة في الروعة والابداع وقد تشعر انك فعلاً داخل الطبيعة المحاكاة في اللعبة وتتنوع من غابات لصحراوات وواحات ونخل و اشجار وصخور

جرافيك قد يبهرك من اول وهلة

ومش ده بس

الموسيقى رائعة وملائمة للموقع اللي انت فيه

في الغابات تسمع دقات الطبول

في الواحات تسمع اصوات الطيور الجميلة

اروع موسيقى تصويرية قد تجدها في لعبة اونلاين

لكن مش هاقدر اوريلك غير شوية صور ingame يعني من جوا اللعبة لشخصيات هتتعرف عليها معانا في المنتدى

لو كان عندك حلم القافلة التجارية والانتقال عبر المدن والرحلات ومقاتلة الحرامية والخارجين عن القانون

تبقى silk road هي الطريق الحقيقي لتنفيذ هذه القافلة

( لو اخترعوا عجلة الزمن ابقى قوللي ارجع اعمل قافلة )

دي صور لتجارة جماعية




روعة وبلا شك

طب هقولك احنا في اللعبة بنعمل ايه عشان تبقى في الصورة

اللعبة تنقسم الى قسمين اساسيين

1- قسم ال level : ودي من اول ليفل 1 بحيث كل ما بقيت اعلى في الليفل كل ما زادت فرصتك على شراء اسلحة و ملابس اقوى كل ما زادت قوتك الهجومية والدفاعية
وتقدر تزيد في الليفل بقتل الوحوش المنتشرة في المدن و تنفيذ المهمات المطلوبة بتديك EXP Points لما توصل حد معين تطلع ليفل اعلى

ملحوظة : كل ما بقيت ليفل اعلى كل ما زادت ال EXP Points المطلوبة كل ما زاد الوقت المطلوب وقد يصل الى شهر عشان توصل من بداية ليفل 70 الى نهاية ليفل 70

2- قسم ال Job : او الوظيفة يعني بتشتغل ايه في اللعبة حرامي ... تاجر ... هانتر ( بودي جارد )
ال Job تبدأها من اول ليفل 20
ودي ليها شرح مفصل بكل انواع ال Job

باختصار هي دي اللعبة

وبالتفصيل الممل الممل جداً يبقى انت ناوي تلعب

شد حيلك يا بطل

انت في طريق الحرير SilkRoad Online

اولاً : تعمل Account ليك من هذا الرابط [عزيزي الزائر يتوجب عليك التسجيل للمشاهدة الرابطللتسجيل اضغط هنا]
(بعض ابناء دول الخليج قد يجدوا مشكلة في موضوع التسجيل بسبب القيود اللي عاملينها والبروكسي اللي عاملينه وبالتالي يقولولنا واحنا نعملهم حسابات )

ثانياً : هتنزلها ببساطة جداً من هذا الرابط

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

ال Client

تصطبها وتنزل الابديت اوتوماتيك بمجرد ما تفتح اللعبة .. يمكن هياخد وقت كبير معاك عشان الابديتات كتير اوي

ممكن تنزلهم يدوي مباشرة من نفس الرابط
وهو Manual patch file

ثالثاً : تفتح اللعبة وتكتب بيانات الدخول
(قد تجد مشكلة في الدخول في الاوقات من الساعة 11 صباحاً بتوقيت القاهرة الى الساعة ال 11 مساءاً وده بسبب الازدحام الشديد على اللعبة .. حاول كذا مرة وهتخش )

طبعاً انصحك تختار سيرفر Athens لان هو ده السيرفر اللي موجود فيه اغلب الاصدقاء وفيهم انا شخصياً وطبعاً تحت امرك في اي مساعدة

ولو اختارت سيرفر مش ممكن تنقل شخصيتك من سيرفر لاخر

يعني السيرفر اللي هتخش فيه هتفضل فيه طول عمرك الا اذا حبيت تبدأ بشخصية جديدة ساعتها ممكن تختار سيرفر تاني

اول حاجه احب اعرفكوا بشخصيتي

Name : MikoInLove

LVL : 38

Weapon : Spear With Lightning

والشخصية دي انتهت حكايتي معاها

لكن الجديد هي الشخصية دي

Name : EGY_Master

LVL : 1X

Weapon : Sword With Fire & Lighting

FARMING NOW

انا نسيت اجيب رابط تحميل اللعبة

اسف جداً

الرابط من هنا

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

كتير منكم هيسالنى ايه اللى يميز اللعبة دى عن غيرها من العاب الاون لاين ؟؟؟؟؟

هرد عليك و اقولك حاجات كتير جدا


1- عدد الناس الرهيب اللى فى اللعبة لدرجة انك ممكن متشوفش قدامك فى المدن الرئيسية و يقدر عدد الاعبين بالملايين

2- الجرافيك الاكثر من رائع اللى فى رايي يوازى ان لم يكن يتفوق على world of warcraft .

3- اسلوب القتال فى اللعبة ممتاز جدا و افضل من world of warcraft فى رايي .

4- كثرة عدد الشخصيات و الوظائف اللى ممكن تقوم بيها فى اللعبة .
5- اللعبة مبتقيدكش من البداية فى اختيار شخصية معينة و الالتزام بيها زى ال mage او ال warrior قى معظم الالعاب الاونلاين , بل على العكس .... طريقتك فى اللعب هو اللى بيدى لشخصيتك طابع مميز منفرد ليها ... و كل واحد يقدر يبنى شخصيته بشكل مختلف مع تطوره فى المراحل .

6- اسلوب التجارة فى اللعبة بيخليك مستمتع بكل item او weapon بتلاقيه ... لان كل حاجة ليها سعر فى اللعبة ... و الميزة فى اللعبة دى انك مش بتفضل تدلل على البضائع بتاعتك و تفضل مستنى حد يجى يشترى منك زى معظم الالعاب التانية .... لا انت بتعرض حاجاتك فى حاجة عاملة زى المحل بالاسعار اللى انت عايزها ... و كل الاعبين بيدخلوا محلك و يتفرجوا على حاجاتك و يشتروا اللى عايزينه و الفلوس تتحول اوتوماتيك لرصيدك .


7- اللعبة اونلاين 24 ساعة 7 ايام فى الاسبوع .

8- المحاكاة للواقع فى اللعبة رائع... فمع تغير الوقت بيتغير المناخ من ليل و نهار و غروب و مطر و اعاصير .

9- اللعبة مجانية في التحميل

ثالثاً : لو عجبتك اللعبة تعالى نشوف هتشغلها ازاي :



1- الاول اللعبة دى الجرافيك بتاعها عالى جدا فهتحتاج متطلبات عالية فى الجهاز ... فبتحتاج كارت شاشة ع الاقل 32 ميجا و رامات ع الاقل 256 ميجا و directX9c.

2- لو المتطلبات دى عندك يبقى تنزل اللعبة و هى مساحتها 502 ميجا ... نزلها من هنا

3- بعد ما تنزل اللعبة تسجل اسمك و كلمة السر فى الموقع الرسمى للعبة [عزيزي الزائر يتوجب عليك التسجيل للمشاهدة الرابطللتسجيل اضغط هنا]

4- بعد ما تسطب اللعبة و هى بتنزل فى حوالى جيجا و نص ... بيطلب منك تختار سيرفر تلعب عليه من 10 سيرفرات ... انا عن نفسى بلعب فى سيرفر Athens
5- بعد كده بتختار شخصية ولد او بنت ... و بتغير فى شكلها فى الطول و الوزن و الوجه و الملابس و خلافه .

6- و بكده تكون جاهز لاثبات جدارتك و تمشى فى طريق Silk road

محدش عاوز اللعبة ولا ايه ؟