|
|||||||
| روايات روايه , رواية , روايات , الروايه , الرواية , روايه , عن , الروايات , روايه احلام , روايه عبير |
 |
|
|
أدوات الموضوع |
منذ /07 / 02 / 2009, 00 : 02 PM
|
#11 | ||||||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..[you] شـكــ وبارك الله فيك ـــرا لك ... لك مني أجمل تحية . |
||||||||||
|
|
منذ /08 / 02 / 2009, 07 : 01 PM
|
#12 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..ردت امه:الــــو .. سكت عبدالعزيز وماقدر يرد..لانه مو عارف وش يقول ومافكر في اللي بيقولـــهـ .. امه: الووو ..الوو ..فيه احد..؟؟ عزوز بصوت مختنق:هلا يما ..أنـ.."ارتبك"... أنــااا.."وسكت فترهـ" امه:الوو..مين معي؟؟ "ردت ولانها كبيرهـ ماكانت تشوف الاسم" عزوز:يما انا ولدكــ عبدالعزيز امه بفرح:صدق..والله.. عزوز: ايه واللهـ.. "تجمعت دمعه في عيونه يوم سمع صوتها" امه بحزن:عزوووز هلا ولدي.. الا هذاهو صوتكـ وينك ياولدي عنا.. فقدناكـ وماتترك لنا عنوانكـ ولا شي وراهـ !! عزوز وصوته رايح صياح:يما آسفــ... يما والله احــبكـ .. امه ماقدرت تكمل ونست اللي في بالها:ونا يابعد رووحي احبكـ "وتخبروون المكالمه صارت صياااح × صيااااح وبالذات ان عبدالعزيز انسان رومنسي لآخر درجه ويمكن انتم ملاحظين بعد وكان اسلوبه الطفولي في بعض الاحيان يخليه صغير في عين امه مهما كبر" حست ام عبدالعزيز ان ولدها طفل.. وطفل فاقد امهـ ,, ومحتاج لاحد يكون بقربهـ وبالذات انها حست بغلطها عليه.. فسارت هي اللي تعتذر مو هو.. انتهت المكالمه.. بعد مارضت امه عليه ووعدها بأقرب وقت يجي ويسلم عليها.. فرح عزووز وماكان مصدق ان الامور بتمشي بهالسهووولهـ ومع هذا كله ماكان يدري ان ناصر له دوور باللي يصير.. طلع من الغرفه وهو متشقق فرح.. عزوز مستانس:نااصر.. رضتــ ,, رضت يانااصر ..امي رضت عليّ.. ناصر بفرح:والله..؟؟ عزوز وهو يمسح دموعه من الفرح:والله ياناصر.. اخيرا ماتتخيل وش كثر فرحت.. ابتسم ناصر وهو مستانس لفرح صديقه.. نقز عزوز فوق الكنبه وقام ينطط ,, وصدق مبين انه طاير فرح ناصر:بجد.. عليك انفعالااات غرييبهـ .. عزوز:والله لو تحاول ماراح تقدر تتخيل وش كثر فرحت .. لاهـ اليوم ضروري ناكل من مطعم..لاء ونروحه بعد,, ناصر: عزووز وبعدين معكـ تراك استنزفتني.. خلاص مابقى لي من مصروف هالشهر الا الف ريال.. عزوز:ناااصر.. تفكى الله يخليييييييك.. ناصر بجد: آسف عزوز انا بجد فرحان لك وودي اروح وياكـ بس خلاص هي ميب شغله كلش عليّ.. يعني أجار الشقه..والفواتير..والبانزين..والاكل والشرب عليّ.. ماتحس ان مافيه عدل شوي.. حس عزوز على روحه:لا خلاص مو مشكلهـ.. ناصر وهو حاس انه طفى حماس صديقه:والله عزوز موب قصدي شي لاتشيل بخاطركـ عليّ بس خلك واقعي.. توني مسدد الفواتير بالجوال..حسابي مافيه الا اللي قلتلكـ.. ومامعي بيدي الا ميتين.. يعني باقي قدامنا شهر وش راح تكفي له الفلوس وحنا غدانا وعشانا من برا وان تطورنا سوبر ماركت وكلها تبي فلوس.. عزوز يهز راسه:ايه..داري والله..صح كلامكـ .. "وشغل التلفزيون.. حس ناصر ان عزوز وده يروح بس فكر بعقلانيه في كلامه اللي قاله ومالقى الا انه يسوووي كذا .. قام من الكنبه وطلع مفتاحه من جيبه وهو متوجه للباب.. عزوز:على وين.. ناصر:رايح مشوار وجاي.. عزوز:خذ راحتكـ لاتشيل همي.. ناصر:لا توصي حرييص.. عزوز:يالدوووبي ماتعرف تجامل.. ناصر: خء خء خء خء .. يالله يالقرد تامر على شي.. عزوز رافع حاجب:هين يالدوب انا قررد!! ضحك ناصر وقال:هه طيب تامر على شي اخلص عزوز:لا ابد سلامتكـ.. و"اشر له يعني سلام" وبنفس الحركه رد عليه ناصر.. وسكر الباب وراهـ.. انسدح عزوز في الكنبه بملل,,وجلس يفكر وش يسوي.. جته فكرهـ.. قام و راح فتح الدولاب حق الملابس وقال خل اكشخ شوي.. دام ماعندي لاشغله ولا مشغله وبهالمناسبه الحلوهـ بعد.. طلع له بنطلون جينز كان طويل عليه.. خلاه ماسفطه ولبس عليه "ونتو بكرامه" زنوبه اسود وابيض.. واخذله قميص ابيض ورفع كمومه وفتح حول اربع زراير.. وراح لم المرايا وحوس شعرهـ طلع شكله احلى رغم حوسه شوي.. وقف قدام المرايا الطويله.. وجلس يناظر نفسه.. وهو يضحكـ ..قال اكيد ناصر بيقول محشش شعندهـ الاخووو.. عـــــــــزوز .... والغالي على ذكرهـ جا..دق الجرس ثم سمعت صوت المفتاح.. عاد انا كومت الملابس ورميتها بالدولاب وسكرته بسرعه قبل لا يشوفني ناصر لانه دايم يهاوش ع هالحركهـ.. شافني ونا واقف عند الدولاب واضحكـ جا لمي وقال:وخر اشوووفـ قلت:لا لا.. ماكبيت الملابس.. ضحك وقال وهو مو مصدق:ماكبيتها..طيب خلني اشوووفــ.. قلت ونا مغطي ع الدولاب:يابن الحلال لاتدقق.. ضحك من جديد وقال ماودك نطلع نتمشى شووي.. قلت مستغرب:والله شكل وراك شي ابتسم وقال:ليه وش المشكله في اللي قلته.. قلت:لا.. لا ولاشي .. قال وهو طالع من الغرفه..بصرعه انتظرك تحت.. ثم رجع طلع راسه من باب الغرفه وكـأنه تذكر شي.. قام يناظرني من فوق لتحت.. قلت:هييي خير وش عندكـ.. قال:احلىىى ياحركتااات انتا.. لو ادري انك بتكشخ لنا كان خليناك تكلم امك من زمان.. قلت:هين يالدووبي شقصدك.. رفع حاجبه:ماقصدت شي.."رحت رميت علي المخدهـ وهو انحاش ويصارخ: يلا احتريك تحت عند المواقف.. قلت:اصبببر ادور فردت شرابي.. سمعته من بعيد يقول:اوووهوو وبعدين معك كل يوم تضيع شراريبكـ قلت ونا اصاارخ:اقووول بس طس يالدووبي.. سمعته من السيب يقول:بطل هررج يالقرد واخلص.. قلت بقلبي:هيين انا اوريكـ.. لحقته ركض ومدري حتى سكرت باب الشقه وراي ولا نسيته.. مسكته من رقبته وقلتله:كم مرهـ اقولكـ لاتقولي يالقرد.. قام يعد بأصابعه يستهبل وقال:اوول مرهـ قلت:قوول آسف.. قال:تبطي عظم والله.. مسكت بلووزته وقربت وجهه عند وجهي:بتقوووول ولا لاء.. قال وهو مطلع لسانه:لاء.. جريت شوشته الطويله من قدام ومطيتها عشر امتار.. جا عبدالله"حق الاستقبال وهو يضحك":هييه شعندكم.. يالربع.. استهدوا بالله.. ناصر:لا اله الا الله.. قلت:انا إن ما ادبتك يالدووب.."طبيت فوقه وبطحته في الارض"... عاد ناصر ماقدر يقاوم كان ودهـ يكفخني بس من الضحك ماقدر.. عبدالله:عبدالعزيز..فضحتنا ياشيخ.. الناس رايحه وجايهـ قلت بإصرار:ماعلي منهم..وانت الثاني بتقول آسف ولا لاء.. لقيته متخدر من الضحك..وهي كانت نقطة ضعفه اذا احد دغدغه.. صرت انا اضحك على شكل ناصر وهو يضحكـ وعبوود بعد معنا تسدح ضحكـ.. رحت قومت ناصر لان كان منبطح بالممر يعني عليه شكل.. الموهيم اخذنا لنا دش حار من المسؤول الثاني بالسكن.. بس ضحكنا بالاخر ومشينا.. رغم ان عبود كان في البدايه شديد معنا بس اللحين صار من اخويانا وسرنا اذا انتها وقت مناوبته نناديه يسهر معنا.. ركبنا السياره ومرينا على محطة بنزين وعاد على طول انا وناصر فتحنا الشبابيك نستنشق هالريحه الخطيرهـ .. ناظرت البقاله ونا ألمح لناصر لان وكالعاده مامعي فلوس.. قلت:والله ذي البقاله شكل عندهم اشياء حلوهـ فهم ناصر قصدي بس يسوي مو فاهم وقال :ايه والله..بس مو زي سوبرماركتنا قلت:موولت يالعله.. قال يناظرني:يعني تلمح.. قلت:اخيرا فهمت!! قال:ماودي اعيد الكلام اللي قلته من شوي بالشقه.. قلت بصوت واطي:افففففففف.. سمعنا صوت واحد "يصارخ"ويطق الباب.. } ....
|
|||||||
|
|
|
منذ /09 / 02 / 2009, 39 : 03 PM
|
#13 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..ناظرنا انا ويا نصور..لقينا الهندي يبي حق البانزين..
ضحك ناصر وقال:الدبشه ذا مايدري اني فاتح الشباكـ قلت: ياااحليله.. مشينا شوي وقمنا نلفف بالشوارع ونا احس ان نويصر وراه بلا.. جاني كذا حساس خلاني اسرح واتبلد.. حسيت ان انا وناصر... لاء ماودي اقولها.. تعوذت من الشيطان.. سمعت جواله يرن رفع السماعه وهو حاط ايدينه ع الدركسون ومميل راسه"ماسك السماعه بكتفه".. قال:هلا والله وغلا.. ايه زين..اجل يلا سلام.."وسكر" والله ماتصدقون وش كثر احب هالناصر و ماودي يروح من حياتي..ووش كثر اتوتر كل مارجع لي هالاحساس.. ناظرت الساعه كانت احدعش ونص.. رجعت طليت في وجهه كان مبتسم ويناظر الطريق قدامه.. جلست افكر.. ناصر مبتسم ويضحك ودايم يخفف عني.. طيب انا ماعرفت وش داخل هالآدمي مافكرت مره اساله عن اخته امه ابوه اهله.. وش اللي خلاه يجي هنا ماعمري سالته عن احواله مشاكله ظرووفه بس انا اللي اشتكي دايم وهو يتحملني ويسمع.. نصووور..لاموني فيك كثير..ومادروا ان "لي فيك اسباااب".. انتبهت ان ناصر غير طريقه و"ديور" من الشارع يعني راجع للسكن.. استغربت بس ماعلقت.. ناظرته وانتبه لي ناظرني ابتسم ورجع يناظر قدام.. سألته:نصوور..شخباركـ..؟؟ رفع حواجبه يستهبل ولبق السياره على جنب..ناظرني ولمس جبهتي.. قلت:وش فيك.. قال:لا بس حاب اتطمن على حرارتكـ يمكن عديتك ولا شي.. قلت:يعني فيك حرارهـ ؟؟ قال:ايه وليش تسأل.. قلت:وليش انا ما ادري.. قال:طبيعي يعني لو انت عندك صداع وشلون ابدري قلت:اكيد ابجي وابقولكــ ,,"ثم فكرت شوي بجد انا اشتكي كثير" قال:لاء موب شرطـ فيه اشياء ماتجي تقولي عنها بس اعرفها قلت:ووشلون قال:اذا سألتك انا عنها.. قلت ونا حاس بتأنيب الظمير:يعني كل هالفتره فيك حراره ونا مدري قال:إلا تدري.. ماتذكر يوم بالبحر قلتلك.. حسيت اني حيوان لاني في كل مره افكر بمصلحتي حتى ماحطيت كلامه في بالي.. قلت:طيب وشلونك اللحين.. سكت شوي وحسيت انها بجد اول مره اقولها له..واساله عن حاله تنهد وقال:خلها على ربكـ.."وشغل سيارته".. لأول مره احس ان ناصر غامض..وان في كل هالفتره ماعرفت عنه الا ان عندهـ اخت يوم سمعتها.. وهو عرف عني تقريبا كل شي.. ناظرت الارض ونا منقهر من نفسي.. حط ايده على كتفي وقال:متظايق من شي..!! قلت:خليها على ربكـ .. ابتسم وقال:عزوز..دايم اذا تضايقت ..لاتقول يارب همي كبير.. قول ياهم ربي كبير..واكيد دام عندنا رب ابد مافيه كرب.. ابتسمت انا بدوري وحسيت ان ناصر انسان عظيم بالذات لو جلست معه ووصلت لنقطه يكون هو معك فيها بجديه.. "وقف السياره".. ناظرت من الشباك وصلنا للسكن.. طلع ناصر واشر لي يعني يلا.. نزلت ولحقته.. شفته راح لم حق الاستقبال وسأله عن شي.. اشر لي يعني اسبقني.. هزيت راسي يعني اووكيشن.. وشوي وجا وراي.. وقفت عند باب الشقه وفتحتها.. لقيت الشقه ظلااام مع اني اذكر اني ماسكرت لا لمبات الغرفه ولا الصاله.. استغربت.. وشوي بهالظلام طلع ضوء كشاف بالغرفه ع الجدار.. لقيت مكتوب كلام عليه ببخاخ الثلج حاولت اقر وبصعوبه قريت "دوووم الفرحه ياعزووووز" فرحت يوم قريتها عدتها مرتين وثلاث..بجد كان مكتوب ياعزوز.. طيب مين سوى كذا؟؟؟؟ دورت ناصر مالقيته بوسط الظلام..وشوي انطفى الكشاف.. سار ظلام..قلت:ناااصر..ناصر يالدوب وينكــ .. وسرت احاول اوصل لزر اللمباتــ .. وشوي.. تولعت كل الانوار..واسمع صوت طراطيع"حقت الحفلات"... وشوي اشياء تطيح من السقف الواان.. قلت يااهوو ونااااسه مين اللي مسوي كذا.. وشوي..اصوات دق سامري عاد انا اعشقه ..وشوي التلفزيون انفتح ومعلين الصوت.. دورت بعيوني على نصور.. طاحت عيني ع الطاوله...لقيتها مغرقه شوقلاطات وبباسي وبطاطسات كبيرهـ ليز حار وجبن ودوريتوس وبجمبه اندومي صحن كبييير وبطاطس مقلي وكندر وخرابيط و..و.. واللي لفت انتباهي مصلحين كيكهـ.. وعليها شموع صغيرهـ مكتوب عليها "دوووم فرحتك ياعزوز" وبعدين مكتوب عالجنب بالتوفي.. n,s,3,m,a على طول عرفت انهم ناصر وسالم وملوكي وعادل وعبوود.. ناظرت لم الغرفه لقيتهم واقفين وبالنص معهم ناصر.. ركضت لمهم.. وخميته..ونا مستانس.. ثم خميتهم واحد واحد.. ونا ابطير فرح.. ثم جلسنا نستهبل ونرقص ع الدق.. وبلعنا شوقلاطات كان بجد وناااسه.. فرحت من قلب..ونا اقول بجد الله يديم هالفرح.. جلسنا ع الطاوله وكان عادل يصبب لنا الكولا والببسي.. سألتهم..مين صاحب هالفكرهـ.. كلهم ناظروا ناصر عرفت انه هوو.. وقمت لانه كان جالس قبالي وجلست بجمبه.. كان يووم خطير..ذاكرات جوالاتنا كلها تعبت من الصور والتسجيلات اللي سجلناها ومقاطع الفديو.. فرحت مرهـ بجد ورغم كان ودي اروح لمطعم بس قلت وش المطعم ياشيخ والله ولا احلى مطاعم لشرقيه مايسون هاللي سووهـ والاحلى ان لما يكون كل ربعك واخوياك يشاركوونك فرحتكـ .. مانمنا الا بعد صلاة الفجر.. وكان العشى على حساب عبوود مسكين توهـ مستلم الراتب وحطه نصه بالاكل.. قلتله: والله ليتنا عرفناك من قبل ياعبود قال:والله انا ليتني عرفت من قبل ان فيه ناس رهيبين بالسكن ونا مدري عنهم.. قال سالم:الله يخلي ناصر اللي جمعنا الليله.. ناصر:هه الله يخلي عزوز اللي خلاني اتعرف عليكم بصوته..وضحكـ عادل:الله يخلينا لبعض وبس اختصروها.. ملوكي:يالله شباب استانستوا وفرحتوا..يالله ع بيوتكم..اذن الفجر وبتطلع الشمس.. عبود:جد والله.. عيدوها مرهـ ثانيه ناصر وهو يضحك:اعجبتك الشغله يعني.. عبود:والله ياويلكم وياسواد ليلكم لو تسون مثل هالخرابيط من وراي.. قلت:وحنا نقدر نسوي شي بدونكـ سالم:يالله شبااب تأخرنا.. ويبي لنا نرتب نومنا باقي يومين ع الجامعه.. عادل:جد والله..يالله شمينا.. قاموا العيال وودعناهم..وكلن راح.. ناظرت المكان كان بجد حووسه..بس فديت هالحوسه دامها خلتني كذا مستانس.. ناظرت ناصر لقيته يجمع الصحون والكاسات.. رحت انا جمعت القراطيس..ورتبنا المكان حول سبع دخلنا الغرفهـ.. حطيت لي بطانيه تحت سرير ناصر وخذت مخده.. ونمت بالارض ناداني ناصر:هييه.. خير يالاخوو.. قلت:وش فيه.. قال:اقوول اطلع نام فوق.. قلت:لا ماودي اضايقك كافي خسرتك كثير.. قال:لا شدعوى كلها ماكلفتن ميه وخمسين ريال.. قلت:وتشوفها قليله..؟؟ قال:وهو يغلى عليك شي.. يالله جد ارقى فوق قلت:ناصر.. خلني مره وحده احس اني سويت شي علشانك ابتسم وقال:اذا تبي تسوي بجد شي علشاني نام بالسرير.. قلت بعد اصرارهـ:دامه يريحك..ابنام فيه.. ونام هو بالارض.. مدري بصراحه وش اللي جابر نصور يسوي كذا.. كل يوم يزيد حبي له.. وكل يوم يمر يوتر اعصابي.. باقي يومين ع الجامعه ويومين ثانيه ع نهاية الاسبووع... ونا مع التفكير ماحسيت بنفسي ونمممممممت.. |
|||||||
|
|
|
منذ /09 / 02 / 2009, 28 : 09 PM
|
#14 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..ناصـــر....
قمت اتقلب ماجاني النوم رغم اني تعبان واحس جسمي متكسر.. تذكرت وحدهـ بجد احس اني مقصر وساحب عليها.. دخلت ايدي بجيبي..لقيت الجوال بوسطه طلعته وفتحت انشاء رساله.. وكتـــــبت .. ((فقدتكـ ,, وجيت اتصل..ثم هونتـــــ .. دامكـ بقلبي وش يفيد اتصالي,, ماراح اشغلكـ ,,بقول وين انتــــــ .. ولا انتـــِ ساكنه فــــكري وخيالي,,)).. حطيت الجوال بجمبي وحاولت انام.. سمعت صوت رسالهـ قلت اشوهـ اجل صاحيه ما زعجتها.. فتحت الرساله..كان مكتوب ((عطــني سبب وآحد يبرر غيابكــ يعني اذا طمنتني,, مابها عيبــــــــ ع الاقل ارســـــــل وش اللي غدآبكــ انـســى المحبـــه واعتبرها موآجيـــبــــ)).. حسيت قلبي اعتصر لاني انسان ما اقدر اوفي بين اكثر من شيئين.. اذا اهتميت بشخص لازم انسى واحد ع حسابه.. رجعت وارسلتلها ((لك وحشه يالغالي بغيبتكـ لولاك بالقلب ما جا للوله طاري وحشتني بسواليفك وطلاتكـ لكن وش اسوي لا جارت اقداري حبيت ابين غلاك وطابت اوقاتكـ هذي سوالف غيابيـ وهذي آخر اخــــــــــــبـــــــــــــــــــاري.. )) بعد شوي ردت.. ((اضحكـ فدتكـ الرووح يا غالي.. اضحكـ وخـــــــــل العمر يهنآلي.. اضحكـ وبابـــــ الهم بنصــكهـ .. محدن بهالدنيا تــــــــرا خالي.. والكل من هـــــمه يبي الفكهـ .. وغـــــيركـ بــهالـــدنيا انا مالـــي.. يا اغلى وأروع شي عـــرفتهـ .. )) مدري وشلون حست اني متضايق.. ودي كان اكلمها وادق عليها.. لكن الوقت مو مناسب.. واخاف بعد يقوم عزوز ويصير موقفي مال ابوهـ داعي..سكرت جوالي..ونمتــــ .. بعــــــــــد فتـــــــــــرهـ .. آآآوووتـــ .. احس المكيف طاح فوق صدري.. لاء وش المكيفــ إلا الثلاجه شكلها طاحتــ عليّ.. فتحت عيني بصعوووبهـ .. ونا اقول يااهوو وش السالفه.. في البدايه ماقدرت اميز وش اللي طاح فوقي.. وشويتين اشم ريحة شامبو.. لايكون بس نمت بالحمام ونا مدري.. حاولت افتح عيوني ماقدرت من ضوء الشمس..انتظرت لين تأقلمت عيوني وفتحتها.. ارتعت يوم شفت شي اسود قدامي.. وما مرت دقايق الا ونا ميت ضحكـ يوم قدرت اميز هالشوووشه اللي قدامي.. دفيته لانه الدوبي طاح من السرير فوقي.. وماكان فيني حيل اقومه لاجل مايطير مني النوم.. ورجعت نمتـــ ,, ونا فيني ضحك بس مالي خلق اضحكـ جا من بكرا الساعه وحدهـ ونص الظهر.. قمت من النوم.. صليت الظهر ورحت قومت عزوووز.. جلست اصارخ عند اذنه وهو ولا كأن احد بجمبكـ .. قلت:عزوووز يالدوووب"ورفسته".. قال وصوته رايح مناكـ :ناااصر خلني اناام.."وقلب ع الجه الثانيه" قلت:عزووز ترا والله ان ماتقوم لا اتمردغ ببطنكـ .. قم يامال الـ ... قاطعني:تكفى نويصر اذلفـــ .. قلت:يالييييلــ يعني ابسنتر هنا بلحالي.. اسمع جا ناراتو.. رد وهو شبه نايم:وش اسويله..جا طيب افتحله البابــ.. قلت:عزووز يالماصل..يلا قوووووم.. وشوي دق الجرس ورحت افتح البابـ .. طليت من العدسه لقيته سالم.. فتحت الباب.. قلت ياهلا والله وغلا بسويلم.. قال بعد ماسلم:ياهلابك اكثر.. إلا اقول ناصر.. عندك عبدالعزيز قلت:بوهـ مير نيم.. قال وهو فاتح عيونه:وشوووو قلت استهبل لاني داري ان ماراح يفهمها :بوهـ مير نييييم.. قال:طيب لا تصارخ بس وشي ذي..!! ضحكت عليه وقلت:موجود بس نايم.. ضحك وقال:عليكم مصطلحااتـــ قلت:اقووول طس من مايعرفها ذي.. قال: إلا قول ميين يعرفها.. ضحكنا سوا ثم قالي:ذا جواله اخذته امس بالغلط لانه نفس جوالي.. "سولفنا شوي ثم راح لان كان عندهـ مشوار" رجعت لقيت عزوز قام وفي الحمام يغسل وجههـ مريت عليهـ وقلتله:صباح الخير.. قال:صباح النور.. يوم طلع قالي وصوته ثاقل وعيونه تقل واحد سكران: يعني لا نمت انت بالسرير ولااني انا اللي نمت فيهـ .. قلت ونا كاتم ضحكتي:والله مدري عنك انت اللي طحت فوقي.. قال يستهبل:وعجزان يعني تقومني..اللهـ يغربل ابليسكـ .. إلا ماقلت لي من اللي دق الجرس.."وقلتله السالفه.. راح للمطبخ وبدا يحوس بالدواليب ..دخلت معه وزينا فطور.. حلسنا بالصاله وكان حاط ع اسبيستون توم & جيري.. بصراحه ارتفع ظغطي من مصالتهم بس حاولت اتحملــ ,, بس بعدين قمت من السفرهـ لان بطني تقلبت فوقــ تحتـــ من طريقة اكل عبدالعزيز.. كان يحط بيض ثم عسل.. قلت:الله يقرفكـ وش تسوي انتــ قال وهو ياكل:والله لذيذ ..ماجربته انتـــ قلت:الله يحوم تسبدكـ قال:طول عمركـ وماعندك سالفهـ ! قلت ونا انفظ فتافيت الخبز اللي عليّ.. الله يصبرني عليكـ قال وهو مطنش كلامي:باقي من البكسويت اللي بالدولاب.. قلت:ايه باقي بس ماراح تاخذ.. قال:ولييه؟؟ قلت:لانك بتصير دوبي على كذا.. قال:ياليييل .. ياخ ماشبعت وش عندكـ ..؟؟ قلت:هي موب على كذا..لانك ماتعرف تاكل"بكسويت"على قولتك زين قال:اووووفــ ياخ قلق.. قلت:احمد ربكـ متحملكـ ومتحمل مصالتكـ .. قال:وغصبن عليكـ بعد قلت استهبل باسلوب جاد:اللحين انت المفروض تاكل تـ ... وتسكت ,, احمد ربكـ اني مخليك بعد تسكن عندي.. (فهم عليّ عبدالعزيز غلط) وقال:يعني بتمن عليّ.. قلت:لا والله ماعمري منيتــ ولا احب امن على احد"كنت استهبل يوم اقولها" قال وهو يقوم من الطاولهـ :واللحين كل ذا مو من,,..!! قلت:وش فيك انت بسم الله,,, قام راح(وهو معصب)من السفرهـ وقال: خليت الباقي لكــ عصبت انا من حركته قمت مسكته من كتفه وقلت:تعال انت هيه.. وشفيكــ !! لف علي وناظرني نظرهـ .. هدتني.. وقال:فكني يالحقـــير.."حس عبدالعزيز انه يطر وانه ذال نفسه عندي كل هالمدهـ هو كيف فهمها .. مدري عنه" ناظرته ثم فكيته وقلت:ذا جزاي يعني اللحين تقولي يالحقير.. قال وهو لاف وجهه:الله لايحيجني لأحد.. رفعت حاجبي:صدق.. اتق شر من احسنت اليه.. ناظرني وهو حاقد:يعني مازلت مصر اني انا اشحذ منك وانك محسن ومتفضل علي.. عصبت انا وقلت:انت شكل فيكـ شي.. وش قالبك فجأهـ رد وهو ينافخ:اتق شر من احسنت اليه؟؟.. شكرا خوي ماطلبت احسانكـ.. يامهزوز الشخصيه.."قالها ونا احس انها من قلب" قلت ونا منفجر قهر منه: انا ولا انت مهزوز الشخصيهـ يالمريض..؟! (كنت اقصد السقاير).. قال وهو معصب:اصير مريض جسدي ولا مريض نفسي.. عاد انا هنا بس خلاص تحطمت يعني بجد هو يقصد كلامه يعني انا مريض نفسي.. حطيت عيني بعينه وناظرته بقوهـ وقلت:عزوز .. تصدق.. الشرهه موب.. عليك الشرهه عليّ انا الحيوان اللي فكرت في يوم اساعدكـ.. قام هو وراح للباب وقال:رحم الله امرء عرف قدر نفسه.. ونا ماقلتها انت بنفسك قلت انك حيوان,,.. وسكر الباب وراهـ بقوووهـ.. بصراحه انا بذاك الوقت اعصب مني مافيه.. حاولت اهدي ونا منقهر منه ومن اسلوبهـ الحقير يعني انا مهزووز شخصيهـ .. انا اقول عن نفسي حيوان بس هو لاء.. جلست ع الكنبه ونا متكي بايدي على رجليني ومغطي راسي.. بجد توترت ونا اعيد اللي سار بمخي.. يعني اللحين وين الغلط باللي قلتهـ ,, دقيت عليه لاني اعرفه متهور مدري لاعصب وش بيسوي.. دقيت عليه كثير..مرتين وثلاث وعشر ماكان يرد عليّ.. سكرت جوالي ونا منقهر منهـ ,, قلت بقلبي اكيد بيراجع نفسه وراح يعرف انه غلط بإلي سواهـ وبيرد بعـــد ساعتين بديت اقلق اذن العصر واخونا في الله ماجا.. رحت اسأل عنه العيال.. سألت ملوكي وعادل قالوا ان ماشفوهـ من امس.. سألت عبدالله والهنود والموظفين.مايدروون.. تذكرت سالم دقيت عليهـ الباب.. فتح لي الباب ودخلني.. قلت اسمع سالم ماراح اطول بس ابسألك عزوز فيه ولا لاء.. ماشفته!! حسيته ارتبكـ ثم ناظر لغرفته وقال:لاء ماشفتهـ قلت ونا مو مصدقهـ:ايه اجل خلاص سلام قال:ليه تسأل عنهـ قلت:لا بس تأخر ع البيت ومايرد ع الجوال.. قال:اذا شفته علمتكـ طلعت من شقته ونا مو قادر اصدقه دقيت على عبدالعزيز ونا واقف عند الباب..سمعت نغمة جواله.. عرفت انهم يكذبون عليّ.. قلت اهم شي انه قريب وعند سالم..يعني مافيه خوف عليهـ ثم فكرت اللحين هالخايس يستحق افكر فيه واشيل همه.. سار ضميري وقلبي يتاصرعون.. مرهـ اقول لا شدعوى ياناصر تخلي تفاهات تفرقكم ومرهـ اقول هو اللي شبها وتبلى عليّ.. مــــر وقت طويل ونا بالشقه اقول وش النهايه ياهووهـ رحت زينت لي غدا وقلت مافيه الا ان اطنشهـ لاني مازلت اشوف انه الغلطان.. صلحت غدا بس ماهان عليّ اتغدا واخليه بدون غدا.. رحت زينت له بصينيه لحاله وحطيت ببسي وملعقه وزينت صينيته وحطيتها ع الطاولهـ حطيت جمبها ورقهـ وكتبت عليها.. (( عزوز .. هذا غداكـ .. احتريتكـ بس طولتـ .. اذا احتجت شي تراي نايم بالغرفه )) ووقعت بعدها.. دخلت الغرفه ونمتـــ .. حسيت بصوت مفاتيح حاولت اتغاضاها ونمتـــ عــــــــــزوز.... دخلت الشقهـ ونا مغصوب بس لأن مافيهـ مفر منها.. شميت ريحة كبسه..عرفت انه ناصر.. ناظرت الطاولهـ شفت صينيه وبجمبها ورقه.. عرفت انه هو اللي كاتبها قريت الكلام واول ماشفت عزوز تذكرته وهو يبتسم بالسيارهـ يوم امس .. مدري ليه تذكرتها كملت الباقي وعرفت انه كان يحتريني حسيت بتانيب الظمير بس يوم تذكرته يقول (اللحين انت المفروض تاكل تـ ... وتسكت ,, احمد ربكـ اني مخليك بعد تسكن عندي) انقهرت منه وحطيت بجمبها ورقه وكتبت.. ((اللهـ لا يحيجني فيوم لفضايلكـ)) عبدالعزيز.. وانسدحت بالكنبه حقت الصاله وعطيت الصاله ظهري ونمتـــ .. قمت على صوت جوال كان يهز عند رجلي.. مديت ايدي وناظرت كان جوال ناصر,,.وكان بعد " حبي الاول والاخير يتصل بكـ" كنت ابموت واعرف من هاللي متصل لان ناصر اتصالاته قليلهـ سمعت صوته جاي من باب الغرفه رميت الجوال بالارض وعطيته ظهري.. |
|||||||
|
|
|
منذ /10 / 02 / 2009, 29 : 12 PM
|
#15 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..جا ناصر وهو معصب.. ينافخ وشكله مدروخ وصوته تعبان قال:حتى الجوال ماسلم من شركـ ثم ناظر للورقه.. وشال الصينيه وطلع بها برا.. رجع بعد شوي وهو يقول:والله هنود تعطيهم يدعون لك ويفرحون وصديق تعطيه جوعه عليك مايهون يرفضه وما يقدر حتى لو كان قبل معك يمون.. رفع جواله ونا احس انه دايخ ثم راح لغرفته وصكر الباب وراهـ .. سمعته يكلم ماقدرت القط غير كلمة"هلا حبيبي"لان الصوت بعد كذا بدا يوطى شوي شوي..لين ماعد صرت اسمع له صوتـــ .. جت ساعه وثنتين وثلاثـــ ونا مو قادر انام لاني جوعان دخلت للمطبخ وحاولت ألقط لي شي من الثلاجه قبل لايشوفني.. بس لحظه.. وينه هو من ثلاث ساعات تقريبا ماطلع اذن العصر والمغرب وهو بغرفتهـ .. خفت عليه لانه من النوع اللي نومهم مو ثقيل.. مشيت شوي شوي وناظرت من طرف الغرفهـ .. لقيته طايح بالأرض.. فتحت الباب اكثر ونا مرتاع بس كل ما اتذكر اللي سار ارجع.. طلعت من الغرفه بس ضميري مازال يأنبني.. خفت بصراحه لايكون جاهـ شي.. دقيت على سالم وقلتله بسرعه يجي..ويوم دخل وشافه انا كنت واقف عند باب الغرفـهـ سالم:يالدبشه تعال صديقك مغمى عليهـ وجسمه حار.. وقفت مكاني ماقدرت اسوي شي.. قال وهو معصب:مامنكـ فايدهـ ..ودق على عادل وعبدالملك وراحوا شالوهـ للمستشفى ونا زي الدلخ بوسط الزحمه.. ناظرت للمرايا صفقت نفسي كفـــ يمكن اصحى مع العالم اللي حولي مدري شفيني يعني هالحين كل هالوقت ونا وياهـ سوا وماحد يقربنا وبالوقت اللي هو محتاج لي فيه اتركه.. يعني هو فيه يوم انا وقفت معه وسويت شي لأجلــــــــــه .. لحقتهم واخذت مفاتيح سيارته للمستشفى الوحيد بالحي.. لقيتهم دخلوهـ وجالسين ينتظرون الدكتور قبال غرفتهـ سألت عادل: هاهـ كيفه..؟؟ ناظرني بإستحقار:تو جاي تسأل.. وشوي طبع عبدالملك كف في وجه ولد اخته وقاله:احترم نفسك في المرهـ الجايه.. عبدالملك:عزوز..اسف نيابه عن هالخايس.. قلت ونا متبلد:لا عادي ماسار شي.. طلع الدكتور من الغرفهـ وكلهم وقفوا ويسألونه عن ناصر.. إلا انا.. قال الدكتور:صاحبكم تعبان أوي .. عندو سوء تغزيه وارتفاع كبير بالحرارهـ مابعرفش لو كنتو تأخرتو بس شويتين ايه كان بيحصل .. عادل:طيب نقدر ندخل عنده يادكتور.. "كل ذا ونا زي الاطرم ساكت" الدكتور:مابتأدروش تودخولو كلوكو.. حيخوش واحد وبعدو تاني كمان واحد.. عاد كل العيال قاموا يناظروني عرفت ان قصدهم انا اللي ابدخل.. تقدمت وفتحت البابـــ .. دخلت سمعته يتنفس بصعوبهـ قربت منه ولمست راسه.. كان بجد حار.. كان مفتح عيونه بس مدري هو مصحصح معي وشايفني ولا لاء.. تقطع قلبي ونا اشوفه ومو قادر اسوي شي,, وهو كان يناظر السقف سمعته يتنهد ورا بعض.. وبحركه لاشعوريه.. ضغطت على يدهـ كان ودي اقوله نصور انا معك بس لساني خاني وقتها.. لف وجهه بصعوبه لاحظتها وقال بصوت يالله اسمعه:عبدالعزيز,,.. ماقدرت ارد عليهـ .. لف وجهه ع الجه الثانيه وقال:بس هنا اقدر ارتاح.."غمض عينه ضغط على يدي شوي وهو ماسكني ثم بدت ايدهـ ترتخي شوي شوي,, ونام".. قمت انا ونا ماودي ابعد عنه بس لان فيه ناس تنتظرني ونا طالع سالني سالم:هاهـ بشر.. مشيت وماقدرت ارد عليهـ وطلعت برا المستشفى.. قمت افكر بطريقي اللي سويته صح ولا غلط تذكرت وجهه ويوم ظغط على ايدي.. حسيت انه ماكان بوعيه او ان اللي سواهـ كان من كثر التعب وانه ناسي ان تهاوشنا.. دق علي سالم وقال انهم بيروحون وان ناصر بيجلس لين بكرا وبعدها بيطلع اذا تحسن وانهم يبون اجيب له ملابس.. قلتله طيب ان شاء اللهـ وفهمت من تلميحاته ان مافيه حد غيري بيكون مرافق لهـ.. رحت للشقه وزي ما قالوا لي.. جبت ملابس وخذتـــ شاحنه وجوالهـ رحتــ للمستشفى ونا ادور بين الاسياب على غرفتهـ.. طقيت الباب مالقيت عندهـ احد .. رتبت ملابسه على جنب وخذت من السيرفيس اللي عندي مويه بارده وثلج وخذت منشفه وصرت احطها على جبهته وبسرعه كبيره تحر المنشفه وسرت كل شوي ابدل المويه ورايح وجاي من اليوم .. تقريبا من اذان العشاء إلى الساعه عشر جو الممرضات وحطو عشاهـ لو قام..
|
|||||||
|
|
|
منذ /11 / 02 / 2009, 51 : 12 PM
|
#16 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..استمريت في الحط والشيل ونا ادعي ان الله يشفيه بأقرب وقتـــ
ويوم جيت ارفع المشفه واعصرها حسيت انه قام.. ناظرته وهو يناظر الجهه الثانيه ،،،قال:راحوا العيال.. هزيت راسي.. قال:عزوز...ليش تسوي كل ذا وش علشانه.."قصدهـ ع الكمادات" قلت:ارد بعض فضايلك عليّ قال:عبدالعزيز انا كم مرهـ قلتلك اني ماتفضلت عليكـ وش اللي مخليك تقول كذا قلت ونا احط المنشفه على جبهته:ناصر ارجوكـ لا عاد تناقش في شي راح.. ناظرني ناصر بتوسل فهمت منه ان انسى اللي راح.. ناظرته نظرهـ مدري وش القوه اللي خلتني اناظره كذا.. وقلتله:ناصر خلااااص اللي بيننا انتهى.. قال:من جدكـ انت ؟؟ كذا بسرعه تنسى كل شي!! قلت:زي ما احبــ بسرررعه انسى بشكل اسرررع.. قال بجد:اجل تفضل حبيبي ما احتاج خدماتكـ قلت:موب على كيفكـ انت تعبت معي كثير ونا لازم ارد لك ولو شوي قال:عزوووز لو سمحت انا بجد ما احتاج لكـ كافي اللي جاني منكـ دام ماتبي نرجع سوا.. لاتقعد كذا معي كانك واحد مجبر ع الجلسه ماعرفت وش اقولهـ بس قمت من مكاني ونا اقول:ان شاء الله اشوفك باقرب وقت وبصحه وعافيه.. وترا ملابسك وجوالك بجمب الكنبهـ "واشرت له يعني سلام" قال:بالتوفيق.. سكرت الباب وراي ونا منقهر من نفسي ومنه.. بصراحه ماكان ودي اقوله كذا بس هو قهرني.. خلان احس اني طول هالفترهـ جالس على احسانهـ واني لو كنت بدونهـ ماراح اكون شي.. هي بصراحهـ كذا يعني انا بدون ناصر ... !!! مدري وشو .. ياااربـــ طلعه بالسلامه.. وخلي اللي يصير اللحين ينتهي بسرعهـ ,, رحت من المستشفى للسكن وقابلت بطريقي سالم.. قالي:هاهـ ما اشوفك مع ناصر قلتله:سالم تعرف اننا تهاوشنا.. ماله داعي اعيد في اللي قلته لكـ .. الحياة اخذ وعطى.. ونا اللي ابسويه له مجرد رد جميل.. بس اذا كان هو مايبي انا مو مجبر.. سالم:هو قالك مايبي؟! قلت:تقدر تقووول !! سالم:عزوز انت اكيد فيكـ شي .. انا اعرفــ ناصر وكلن نعرفهـ انا ونت مستحيل يقول كذا الا انت قايل لهـ شي.. نصور قلبه ابيض.. ولو اظطر في لحظه انه ينسى اللي يبيه نساهـ بسهولهـ قلت:بس اذا بغى اسود من قلبه ماتشوووفـــ .. "تذكرت نظرته لي بالمستشفى حسيت اني كذاب او شي زي كذا" سالم وهو رايح:صدقني بتخسر ناصر .. انقهرت من اسلوب سالم وقلت: والله يايبا هو اللي بيخسرني.. من بعيد طل علي وقال:لا تضيع أي فرصه من يدينكـ .. الدنيا ماتعطي فرص كثير.. اذا جتك لا تضيعها ونصوور لاتردهـ.. فكرت بكلامهـ شوي ثم مشيت لـ الشقهـ .. طلعت المفتاح من جيبي ونا اتذكرهـ يوم اعطان نسخه من الفتاح حق الشقه وهو يقولـــ :عزوز هذا اللحين بيتكـ ضروري يكون معك نسخه ع الاقل من مفاتيحهـ .. فتحت الباب ودخلتـ .. كان المكان هادي وهدوءهـ ممل.. جلست بالصالهـ لاني بصراحهـ ماتجرأت ادخل غرفتهـ كنت اول اقول (غرفتي او غرفتنا) لكن اللحين مستحيل تخرج مني هالكلمه كنت احس ان هالمكان مو مكاني وان صعب اجلس فيهـ بدون ناصر.. حتى الريموت ماتجرأت المسه.. سار خيال ناصر معي في كل مكان وكأني اتجنب يشوفني محتاج له او استخدم شي من اشياءهـ .. بدأت اسمع اصوات في بطني..لكن تحملت وقلت مانيب فاتح الثلاجهـ ,, و مشكلتي ان كانت عندي عزة نفس ذابحتني ومتعبتني بنفس الوقتــــ ,, ماكنت ابيه يحس اني جوعان وان واجب عليهـ يتفظل علي ويعطين من اللي عندهـ .. مر الوقت ببطئ وبشكل ممللللللــــ .. جت الساعهـ وحدهـ ماصدقت تجي وحطيت راسي بالكنبهـ بس ياليتها انتهت كذا صرت اتقلب وماجاني النوم.. تذكرت نصور وحسيت بالذنب لانه كان تعبان وتركته.. طلعت جوالي ودقيتــ عليهـ كان الوقت متأخر بس قلت مافي الا كذا رد علي.. وبعكس اللي سويته لهـ ماكنت متوقع ابد انه يرد عليّ لاني طنشته يوم دق علي العصر.. رد بصوت مبحوح:هلا..واللهـ.. قلت متاظهر بالجديه ولا انا ماعندي سالفه:هلا ناصر.. قال وهو يكح:هلابكـ اكثر.. قلت:نمت ولا توكــ حسيت انه استغرب وقال:لاء .. ونتـــ ؟؟ قلت:لا ماجاني النوم .. بس كنت حاب اتطمن عليكـ محتاج شي ولا,,,؟ قال:لا ابد سلامتكـ .. بس انت لو احتجت شي ترا محفظتي فوق الدولابــ ... قاطعته:لا ارتاح ما ابي شي ولاني ان شاء الله محتاج لكـ قال ونا يالله اسمع صوته من البحه:اجل يالله تصبح على خير.. قلت:ونت من اهلهـ .. قال:سلااام "وقام يكح.. قلت:سلام,,.. سكرت ونا احس ان مالي داعي بس بجد كنت فاقدهـ وابي اتطمن عليهـ يمكن مو اتطمن بس اسمع صوته واشوف اخبارهـ بدا ظميري يأنبني وبديت احس اني سخيفـــ وان بسخافتي ذي ابخسر اعز صديق بحياتي.. تقلبت كثير لين الساعه ثنتين وربع.. قمت وصليت ونا ادعي ان الله يختار لي اللي فيهـ الصالح والخير.. ومانمت الا بعد ماصليتـ الفجر والجووع طاقني ع الآخر.. نـــــــــــــــاصر.... ههـ بيسوي ذوق ومؤدبــ .. مالت عليكـ يالحقير .. تصدق عزوز ودي بس اقولك خمس حروف وليتـ تفهمها وتركز بمعانيها..لانها طالعه من قلبي..عبدالعزيز انا (( أ كـ ر هـ كـ )).. اكرهك.. كثر المرات اللي حبيتها فيك واشتقتلك اكرهك.. كثر المرات اللي حنيت فيها لك وفزعت لك.. اكرهك.. كثر المرات اللي ضحيت فيها لجلك اكرهك.. كثر المرات اللي ضيعت فيها فلوسي لمطالبك.. اكرهك.. كثر ماجرحتني بنظراتك..وكثر ماحرقت جسر حاولت ابنيه بعد ماهدمته انتـــ عزوز .. اكرهكـ بكل ماتعنيه حروووفــ هالكلمه.. انا بجد بعد ماشفت كل ذا منكـ يالقاسي ما اقول الا اني اكرهكــ .. ومتحسف ع الايام اللي ضيعتها معكــ بس تدري يالظــــــــــــــالم .. اشتقت لكـ واشتقت لايامكـ.. بس شأسوي لا الظروووف اجبرتني اكرهـــــــــــــك .. مسحت دمعه تجمعت بعيني .. مدري هي دمعه.. حزن لحالي ولحال هالعزوز ولا دمعه نزلت تصارع قلبي وتعاكسه.. ولا هي دمعه تخط حسافة صدق احساسي مع واحد طلع كذابـ .. ولاهي دمعه تدافعه عنه.. ولا هي دمعه كذا بدون أي احساس.. مدري دموعي صارت بدووون معنى.. ولا انا اللي ماصرت لاسبابي اطلع معنى يااخ ليش الدنيا كذا لانفهمها ولاهي براضيه تفهمنا.. قمت توضيت وبصعوبه وصلت للحمام لاني كنت احس اني دايخ بس صليت ودعيت كثير ان الله يحسن الحال اللي حنا فيهـ.. وبعدها نمتــــــــ ..
|
|||||||
|
|
|
منذ /13 / 02 / 2009, 09 : 02 PM
|
#17 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..قريت هالكلام ونا موصدق عيوني..
عدتها مرتين وثلاث وعشر.. بجد هو راح وخلاني.. مستحيل يسويها عزوز.. لاء ليش يقول كذا..؟؟ ليش يقول انه يراسلني من سدير لييه لييه هو بعيد عني في الوقت اللي انا فيه محتااج لهـ ليه كذا ياعزوز.. يارب هو جاد في كلامه ولا لاء.. يارب خله يمزح يااربــ ,, والله مدري يارب شأسوي.. انا صرخت فيه وقلتله يبعد عني.. طيب هو سوا اللي انا قلته لهـ لييش كذا يارربـــ .. فكرتــ شأسوي ووش ارد عليهـ .. ارسلته مسج وكتبتـــ .. (( هـلا عزوز.. من جدكـ انت !! عبدالعزيز.. انت صدق في سدير ؟؟ اذا كنت صادق فأنا بصراااحهـ مدري شأقولكـ ؟؟ بس الله يوفقكـ لغيري.. ويساعدني القى اللي يسد مكانكـ..)) ارسلت الرساله ونا يدي ترتجفـــ .. مدري بصراحه وش خربطت ووش كتبت ماغير اظغط بالازرار ونا قلبي معهـ مو مع الرسالهـ .. انتظـــــرـرـرـرتـــ لفترهـ ونا عارفــ ومتأكد ان عبدالعزيز مستحيل يسويها حتى مايقول انا رايح..!! بس بجد ماني بداري شأسوي لان عزوز اعرفهـ مهما صار مستحيل يكذبــ .. جا مسج ثاني روعني.. وفتحتهـ بسرعه.. ونا انتفظ .. مدري وش الي جاني.. بس ماهتميت لان ابغى اعرف وش قال عزوز.. كان مكتوووبــ .. ((عرفته في دقايق..وفي دقايق حبيت ونا من ما عرفته افلمت ذا اللي تشوفونه الجلسه معه شريت سواليفه وقلبه العالم بها جننت المشكله اني عليه اخطيت وهو تحملني بس لاني عليه اجرمت كرهني.. صدقوني غيره ماحبيت ناصر كذا أحسك معي اذنبت رغم اني انا اللي شبيتها وبديت بس تعودت منك قلب يمسح لااذنبت كرهت نفسي وندمان ليش كذا سويت)) قريتها واعتصر قلبي معها حسيت ان كلماته صادقهـ بس قويت قلبي.. صحيح ان الفرص ميب كثيرهـ بس دامه جا.. راح احسسه باللي سواهـ لي لحد الان مستحيل انسى نظراتهـ صح اني مافهمتــ وش قصة الرساله اللي تو.. ووينه هو لجل يطلبــ ان اسامحهـ بس ارسلتــ ((عزوز افهمني ولاتلوووم.. انت جرحتني وجرحك عميق.. انا خلاص قلبي تعب من السقووم.. لان من جرحني كان اعز صديق.. خلاص ياعزووز ناصر لاتلوووم.. كل شي بهالدنيا يجيه شي ويعيق.. بس اعذرني ماابي ترجع وترجع معك الهموووم.. لان بشوفتك اتذكر جرح الاعز صديق..)) حسيت اني قاسي شوي بس ابي الظروفـــ تعلمهـ لجل ينتبه في المرات الجايهـ .. مامرت دقيقتين الا وتجين رساله منه.. ((ناصر ترجيتك تسااامح انا من بعدك كفر ما اسوى.. لاتصير خيل وبقوه تجامح قول سامحتك لجل اقول اشوى تكفى نصوور جرحي سامح.. والله تراي بدونك شي مااسوى)).. اللي كان مخليني اعرف انها من قلب لان عزوز كان يكتب اشعار فكنت عارف انها من تسطيره و مو من شخص ثاني.. ونا نفس الشي كنت اكتبـــ فكانت رسايل من قلب لقلبــــ .. تقطع قلبي ونا اقرا الرساله بجد ما احب احد يترجاني ويذل نفسه عندي بس قويت قلبي للمره الثانيه وارسلتـــ ((عزووز ليتك تحس بجرووحي ليتك تحس مره باحزاني كنت حبيب قلبي عيني ورووحي بس اللحين قلبي منك يعاني اعطيتني نظرات هدت صرووحي واللحين ادور على غيرك شخص ثاني)).. انتظرتـــ فترهـ وحسيت انه يأس مني.. لكنه عاود ارسلـــ ((هذا قدرنا يانصور احبك.. نلتقي ونفترق حبايب فديتك يالظالم فيني خاف ربك خلاص مرني للقبر وترا الكفن معي جايب والله يسهلك يالحبيب دربك ع الاقل معي لاخر الطريق و.. السموحه يااغلى الحبايب..)) قريت رسالته وحسيت فيهـ رحمته ودي ارجع له واجلس بجمبهـ .. عرفت من كلامه انه قريب وماسافر بس انه في مكان لحاله.. رجعت ارسلته ونا اظغط على قلبي.. ((ودي اسامح قلبي الكبير.. بس تعبت منه وابرتاح لانه خلاني بجد شي صغيير.. وابفتح لغيره قلبي بمفتاح يسرك يعني حد يقولك حقير!!)) انتظرت لفترهـ ونا اناظر للبحر واحس ان ودي اصيح واني مختنق لاني بجد حسيت اني آدمي مايعرفــ يتصرفـــ تمنيت امي واخوي خالد يكونون بقربي واسألهم شأسوي.. بجد انا محتااار.. اكملــ كذا لجل يحس باللي سواهـ...؟! بس هو ماقال كذا إلا لأنه حاااس.. ولا...؟؟ مدري يارب شأسوي.. جت رساله قاطعت تفكيري فتحتها بسرعه وقريت وقلبي يدقـــــ ,,, ((لا تخليني اندم.. كافي ندمت كثيييير.. في كل حال يابعدي تسلم لاني جرحتك ياقلبي كثييييير مافيني غير ان اندم..واندم ونا بدونك يالاخو طير كسير)) خلاااص هنا حدي حسيتــــ انه اكتفى وانا بعد اكتفيتــــ عزوز وينكــ ليتك بقربي وتحس باللي احسهـ انا والله تعبان ومدري شأسوي.. وينكـ دايم تقول ودي مرهـ اوقف معكـ تعال وينك ابيكـ.. حاولت اخذ نفس ماقدرت حسيت اني مختنق.. حسيت ولاول مرهـ اني ما احس بأني احس,,,.. عـــــــــــــــزوز.... يآاا خ مايفهم.. مشتااق له الظالم ليش كذا يعذبني.؟؟ ومايحس فيني..!! لهالدرجه هو خلاص ينسى كل اللي بيننا يااخ يقطع ابو عزة النفس اللي كذا.. يااخ حتى لو عندي عزة نفس ماراح اخليها تفرق بيني وبين صديقي مهما استمريت لازم ارتخي.. اوفففف بس منه ،، احس ان اللي يصير قصه وبتنتهي يعني يا انا ياهو بنرجع.. مهما طولنا ياناصر بيجمعنا الوقتــــ ان شاء الله<< "شكل عزوز طموح شوي" كنت منسدح ع الرمل ونا اقر كتاباتهـ ليش هو كذا قاسي عليّ.. كان دايم يقول اني بزر وماكنت اقتنع بكلامهـ .. بس بجد انا اليوم بزر محتاج لأحد يكون معهـ .. انا والله ولا شي بدووونهـ ليش يسوي كذا.. هي الدنيا مبدأ .. يا ابدأ يايبدأ .. لو كابرنا ماراح نحصل على نتيجهـ.. بس نصووور ليه تسوي كذا ليش تقولي كلمه فوق طاقتي.. ليه تناديني بالمريض.. يعني انا علشان مو قادر اسيطر على نفسي كذا يقول ولا علشان انا اتعالج يقول مريض.. يعني اللي يغلط مايصحح غلطه؟! تعودت منك شخص يسامح وينصح وش اللي قالبك ومغيركـ,, قمت لاني كنت منسدح ونفظت الرمل اللي على جاكيتي لاني كنت حاطه تحت راسي ولبسته.. رغم الرطوبه الا ان الهوا في الليل يكون بارد.. انتبهت ان فيه سياره منذ مبطي جتــ ناظرت لها وقف قلبي.. بجد كانت سيارتهـ .. سياره ناصـرـرـر.. عرفت انها هي الفرصه اللي تكلم عنها سالم.. وقررت ان ما اضيعها.. ناظرت اللوحه ابتأكد.. إلا.. هي .. مستحيل اغلط فيها.. قمت ونا طاير فرررح صح هو حطمني بردهـ بس تحملت لانه صديقي وماودي اخلي تفاهاتــ تفرقنا.. كنت ابركض لمه وألمه.. بس وقفتــ وعدلتـــ لبسي لجل مايقول عني مخفهـ.. مجرد ماوقفت حسيت ان رجلي ماتشيلني.. كنت اناظر السياره من ورا والباب حقها مفتووووح.. شفت ايدهـ راميها عند البابــ وماسك نظارتهـ ,, كان يسوي هالحركه اذا تعبـــ ,, ودي كان اشوف حرارته اسأله كان تقضى للجامعه ولا تو.. قويت نفسي وقلت بسم الله ومشيتــ .. كانت المسافه قريبهـ بس حسيت اني امشي وامشي ومازلت بعيد,, ناصـــر.... ياربــ اشكرك من كل قلبي.. لاني عرفت انه موجود..بس هو ليش قال كذا وينه فيه اللحين.. حسيت ن شي مر من مراية سيارتي.. في واحد كان يمشي.. وكأني اعرفهـ ركزت بالمرايهـ إلا هو,, يارب لايكون بس اتخيل من كثر التفكير.. طلعت من السيارهـ ووقفت ,, ناظرتهـ وكان هو,, "الــــتقت عيون الاثنــــــــــــــين".. ابتسم عزوز.. ووقف مكانه.. اما ناصر فكانت ملامحه جادهـ ومستفهمه وكأنه يقول"وين اللي يقول في سدير".. قربـــ عزوز اكثر من ناصر.. وناصر ماكان يسوي شي غير انه يناظر الآدامي اللي قبالهـ قاطع صمت وسكوت الاثنين عبدالعزيز.. وقال:نـــاصر.. ناصر:هلا.. عبدالعزيز:نقدر نتكلم.. حس ناصر ولاول مرهـ انه مايعرف عزوز او يعرف اللي يفكرفيه فهز راسه موافق.. ركب ناصر السيارهـ ولحقه عبدالعزيز.. ومشوا فيها.. مرت دقايق صمممــــت واحترم ناصر سكوت عبدالعزيز.. وما علق..قام عبدالعزيز طلع سجارته وهو يتنهد.. فتح الشباك ثم ولعها.. خلص السقارهـ غمض عيونه وطفاها في فخذه"ع البنطلون".. وناصر مازال ساكت ويراقب بهدووء.. واخيرا تكلم عزوز عبدالعزيز بعد ماتنهد:ناصر.. السيناريو اللي يسير طال وشمّخ.. ناصر ببرود:هه بديت تلاحظ عزوز:ناصر ارجوكـ فكر بعقلانيهـ ناصر وهو مكشر بحواجبه:لاتعلمني كيف افكر عزوز:صدقني ما ابغى اخسركـ ناصر:يسرك يعني صديقك يكذب عليكـ"قصده ع الرساله" عزوز: صدقني ماكذبت عليك جعل لساني القطع لو سويتها.. انا بجد يوم طلعت من الشقه الساعه ثمان رحت لسدير وسلمت على امي ويوم قلتلها اني تهاوشت معكـ قالت لي انك دقيت عليها واقنعتها وقالت لي اروح اسامحكـ .. صدقني ناصر وشلون تبي حتى ما اجي هنا واشكركـ.. بصراحه ماقدرت اطول.. وقلت لامي ان بكره الجامعه بتبدا واني بس جيت اسلم.. وودعتهم وجيت هنا الساعه اثنعش.. ناصر:انت ماتحس باللي تسويهـ تحسب الدنيا كذا على مزاجك عزوز بترجي:انسى.. ناصر:انا مو زيك اذا بغيت انسى نسيت,, عزوز انا مستحيل انسى ناظرهـ عزوز بنظرهـ كانت دايم ومهما يصير تخلي ناصر يوافق.. ناظرهـ ناصر باستحقار ولأول مره وقال:خلاص نظراتك ماعاد تهزني.. ذاك اول ياعزوووز.. اللحين انا ونتــ كل واحد منا لازم يدور طريقهـ حط عزوز يدهـ على يد ناصر اللي كانت ع القير.. وقال:ناصر ارجوـوـوـوك من كل قلبي ياناصر.. ليش كذا تبي تهدم اللي بيننا.. خلاص انسى.. بكرا الجامعه واول يوم ما ابغى اصير زي الدلخ امشي بالحالي.. لو مانسيت راح تتعبـــ ارجوك ناصر.. لاتصير كذا.. ناصر باصرار:عبدالعزيز.. انا كذا وكذا ما اتغير.. ودام ماعجبتكـ دور على غيري.. عزوز:تحسب انت اللي سويته شوي.. انت جرحتني واتعبتني بكل حرف كتبته.. ناصر اذا كنت انت حسااس.. ترا حتى انا لي احسااس.. ناصر كلنا غلطنا ولازم نعترفــ والله لو كابرت ونا كابرت ماراح نجتمع.. ارجوك ناصر.. هذاني اترجاااكــ .. يعني لازم الواحد يفقد صديقه لجل يحس بقيمتهـ..؟؟ وهنا خنقت العبرهـ ناصر وحس ان ودهـ خلاص يرجعون لبعض بس انه كان يفكر وشلون يخلي عزوز يندم كل لحظه وكل دقيقه ع الي سواهـ له..وكان هذا هو غلط ناصر يوم قال: عزوز ارجووك افهمني خلاص لين متى انت تتغابا.. خلاص قلتلكـ اللي بيننا انتهى.. انت نظراتكـ تجرح ماتحس فيها.,
|
|||||||
|
|
|
منذ /14 / 02 / 2009, 34 : 01 PM
|
#18 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..وهنا خنقت العبرهـ ناصر وحس ان ودهـ خلاص يرجعون لبعض بس انه كان يفكر وشلون يخلي عزوز يندم كل لحظه وكل دقيقه ع الي سواهـ له..وكان هذا هو غلط ناصر يوم قال: عزوز ارجووك افهمني خلاص لين متى انت تتغابا..
خلاص قلتلكـ اللي بيننا انتهى.. انت نظراتكـ تجرح ماتحس فيها., عزوز:وانت نظراتك تذبح,, وماتحس فيها ناصر: قلتلكـ خلاص لاتترجى.. عزوز:تكفى طلبتكـ صرخ فيه ناصر وناظرهـ بحقد وقال:انت ماعندكـ كرامهـ .. حس عزوز انه خلاص انتهى وانه بجد جرح كرامته ومن مين..من اعز شخص عرفه في حياته.. تبلد عزوز وحس ان مافيه كلمه بالعالم توصف شعورهـ.. عـــزوز.... هه سالم ليتكـ تقول لناصر موب انا "لاتضيعها".. حقدت على ناصر وكرهتـــ اسلوبه.. مدري ليه هو يسوي كذا.. و وش اللي يبي يوصل لهـ قلتله:ناصر.. وقف السيارهـ قال:وبنص الشارع.. قلت:خلاص ما اظن ان فيه مكان يقدر يجمعنا ثاني.. ماكان ودي اقول كذا كان ودي اليوم نرجع سوا ع الشقهـ بس ماتوقعت ان في قلب ناصر كل هالقسوهـ ,,والحقد وقف ناصر السيارهـ وهو مستغرب مني.. فتحت الباب ونا متضايق ولا ودي اطل في وجهه,,. وقفت عند باب السيارهـ.. وطيت راسي وقلت لهـ ((ناصر.. في كل الاحوال بتظل احسن صديق عرفتهـ ونا للمرهـ المليون اشكرك على الايام اللي وقفت فيها معي.. وصدقني ماراح القى احسن منك.. ونا لهالحظه مو قادر انسى في ثانيه الدقايق اللي عشناها سوا.. بس لاتظن مرهــ ولو مقدار ذرهـ ان ارجع لك ثاني)).. سكرت الباب ودموعي في عيني.. واللي خلان اتحسف ان ناصر شافها.. والاكثر هو تحسفي ع اللحظه اللي فكرت فيها اجي واعتذر لناصر هو موب داري كيف انه اثر فيني وانهـ جزء كبير في حياتي و اني راح افقدهـ ,, حتى لهجتي.. سرت كثير اتكلم قصيمي.. راح اتعبــــ لين انساكــ .. بس ناصر دامك قوي وبتتحمل غيابي.. اوعدك الايام بتعلمني انساااكــ... مشيت بالشارع زي التايهـ .. لقيت تاكسي.. ركبته ومشيتـــ ,, وقلتله يودين للسكن,, طلعت جوالي.. كتبتــ رسالهـ وكنت اقول انها آخر رسالهـ ابكتبها لهـ وبتكون الوداعيهـ زي ماكنت مخطط ببالي.. قمت كتبتــــ له (( غلطانهـ امي..يوم ع الطيب ربتني.. تحسب ان ناسي زي ناسها طيبين.. قالت سامح كل من عليكـ يخطي.. الناس تخطي وهم عن القصد ساهين.. مسكينه امي..من غير قصد اظلمتني,, مادرت ان الطيب وحدهـ المسكين هذا يايما واقع زمااااني.. اللي يضحك معي اليوـوـوم..بكرهـ يطعني بسكيــــــــــــــن ..)) ارسلتها لهـ ثم.. فتحت قائمة الاسماء..واخترت على اسمهـ سكرتـــ عيوني... ومسحتهـ لان خلاص بديت احاول اتعود على ان امسح وجود ناصر في حياااتي.. ما ابي افتح جوالي..واشوفـ اسمه.. كافي خياله ماراح يخليني انساه ابد.. نــــــــاصر.... شفته وهو يبعد عني.. ماهان علي اتركـ صديقي يروح بتاكسي ونا هنا بجمبهـ بس ماقدرت اسوي شي حسيت اني حيوان يوم قلتله كذا بس اللي كان مصبرني اني واثق من رجوعنا لبعض دام حبنا مستمر حتى بعد الهوشهـ .. فكرت باللي سويتهـ وتذكرتــ نظراته الحادهـ يوم يقول..((بس لاتظن مرهـ .. ولو مقدار ذرهـ .. ان ارجع لك ثاني)) حسيت انه جاد.. وانه بجد يقصد حروووفهـ ندمت بصراحه اني رديتهــ لاني راح اظطر في المرهـ الجايه ان انا ارجع لهـ.. فكرتـــ فيها كثير وقلت صعبه ياناصر انك انت ترجعلهـ كانت المشكلهـ فيني ونا اعترف فيها ان مهما يصير ويصير اللي يصير الا كرامتي.. مستحيل اجي اتأسف لأحد بسهوـوـولهــ .. ناظرت قدامي شفت التاكسي يبعد .. ويبعد .. ويبعد..لين ماصرتـ اشوفهـ .. ظغطت على اسناني ونا منقهر من نفسي لاني ظيعت فرصه كبيييرهـ وماراح ترجع بسهولهـ .. وماحسيت بنفسي الا يوم سمعت بوري السيارهـ اللي وراي لاني موقف بنص الخطـ .. رحت وشغلت سيارتي متوجهـ للسكـــن ,, ياحبي لهالسكن اللي خلانا نجتمع بس انا للحين ماني قادر اطل فيهـ لان بكل زاويهـ فيه اتذكر الثنائي.. ناصر وعبدالعزيز .. كل مامشيتــ من ممر ومكان اتذكر موقفــ ,, صعب ياعالم اعيش بدونهـ صعب وبقوـوـوـوهـ .. عبدالعـــزيـز.... وصلت للسكن.. بعد ماخليت سالم يدفع لي حق التاكسي قلتله ع اللي صار واقترحت عليهـ ان اسكن عنده فترهـ مؤقته لين يظبط حالي.. وهو جزاه الله خير ماقصر وافق وبطيبة قلبـــ .. اما انا فتغيرت ميه وثمانين درجه.. سرت ثقيل دم وممل.. حتى الضحكه سارت نادره في حياتي توظفت في شركة تأجير سيارات علشان اساعد سالم..فكنت اخذ من الراتب مية ريال واعطي الباقي لسالم.. ماسرت زي اول طلباتي كثيرهـ.. تغيرت وكثييير.. حتى اليوم الاول في الجامعه مارحتــ .. كنتــ شايل هم اقابلــ ناصر.. لكن في اليوم الثاني رحت ويا عادل والشلهـ.. قابلت ناصر..نحف كثيير وتغير.. احسه احيان يستحق لانه هو السبب في اللي يصير.. كنت بصراحه ما اخفيكم سر ادوره في المحاظره بعيوني وكل ما اشوفه ارتاح كنت غالبا ما القاه معنا دايم مسررح.. سرت ما اهتم له ولا اعطيه أي اهتمام.. كنت بالاول اتحاشاه لكن الحين عندي وجوده زي عدمه ماصرت زي اول ارتبك لا تلاقت عيني بعينه ولا ّلاكنت قريب منه سار ناصر بعد الي سواه شي غير مهم في حياتي.. كنت ادخل القاعه اسلم ع الشباب اللي اعرفهم واللي ما اعرفهم اما هو حتى ماكنت اطل فيهـ .. ماصرت كذا ياناصر الا يوم وعدت نفسي ان اصير كذا.. ولا انا ونفسي صعب عليها ومستحيييل تنساااكـ مهما يصير الا اني ماراح انكر العشره اللي بيننا ولو كانت خمس ايام.. كنت على هالحال او بمعنى اصح اجبر نفسي اكون كذا.. لين جا اليوم اللي خلاني احس بصديقي.. حتى صديقي سرت استغرب يوم انطقها.. كنت بأحد المحاظرات وماكنت جالس بجمب عادل والشباب كنت مضيعهم وكنت متحمس مع الدكتور وماني لمهم.. لين حسيت بواحد يهزني من كتفي.. رديت عليه بدون ما اطل فيه لجل ماينتبه الدكتور.. فسمعته يقول: (هيه يا اخو العيال اللي هناك يأشرون لك من اليوم تكلمهم..) ناظرت للعيال إلا اشوف مجموعة مهبل يأشرون ويكتبون كلام بالهوا.. مافهمت عليهم,, راح رفع سالم ورقه وكتب عليها بالاسود وبقلم عريض ..((والله يالها فقدهـ ذي الصووورهـ من زمان ماشفناكم سوا)).. بصراحه انا يااالله اقرا الكلام من خطه الشيين والمعوقــ وما اسمع الا صوت هواش من الدكتور ويطلعه برا لانه الدلخ رافع الورقه فووقــ.. ضحكت عليهـ وكل الموجودين ثم جلست افكر في اللي قريته.. كان كاتبـــ ((والله يالها فقدهـ ذي الصووورهـ من زمان ماشفناكم سوا)) جلست اترجمها في مخي مافهمتـــ بس يوم تذكرت من زمان ماشفناكم سوا.. عرفت انه يمكن يقصد اللي جالس بجمبي.. طليت لهـ .. وفتحت فمي زي المنهبلــ .. فقلت لاشعورياً:والله من زماان عنك ياااانك مغبر.. ناظرني نظرهـ بااهته ثم رجع يناظر الدكتور.. عرفت منها اني سخيفــ لكني بجد قلتها ونا مو حاس.. مايحتاج اقولكم انه نصووري.. وشوي توصلني ورقه من عبدالملكـ وكاتب فيها..((ياواااد ياحركتااات انتا .. بالله لاتضيعها وش ملحكم ياشنبــ تدننون)) كان ودي اصطرهـ هو والدوبي اللي بجمبه ناظرتهم لقيتهم ماسكين بعض كل واحد محوط رقبة صديقه بيدهـ ويأشرون بيدهم الثانيه حركة حبتيين"كأنهم بيتصورون" ضحكت عليهم من قلب وضحكت اكثر يوم طلعهم الدكتور برا.. كانوا بجد مسوين جو في الجامعه.. يطيروون المعلومات من مخ الواحد.. يوم راحوا جاني شعور غريييب ولاول مرهـ من فتره نسير انا وناصر بمكان لحالنا وبجمب بعض.. زفرتــ وتوترت .. حس فيني.. سرت اتحرك كثير كل شوي اعدل جلستي.. واهز رجلي بشكل وتر اللي حولي.. كنت انا كذا لا توترتـــ لازم اوترهم معي.. وشوي حسيت بيد دافيه"كنا في بدايات الشتا"تمسكـ يدي.. ناظرت لصاحب اليد كان ناصر والله جد ياني فاقده ومشتاق لهـ .. ناظرته"يعني سلااامات".. قالي بصوت واطي وهو يناظر قدام لجل ماينتبه الدكتور .. ((بيصير بيننا كلام آخر الدوام)).. هزيت راسي موافقــ ,, فارتخت ايدهـ شوي شوي وتركني.. تدرون وش جا في بالي وقتها انعاد شريط حياتي في الشرقيه من يوم قابلته ويوم مسك يدي بالمستشفى.. وتذكرت بعد يوم جرح مشاعري وماقدرها مرتين في يوم واحد..وكيف تركني زي التايه بالشوارع.. اناظرهـ بحقد كل ما اتذكرها.. إلا ان كانت في صورهـ له في بالي مستحيل انساها وهو مبتسم يوم كلمني بالسيارهـ وقالي (عزوز.. دام عندنا رب ..ابد مافيه كرب).. وطيت راسي وحطيت يدي عند فمي وهفيت عليها لانها كانت بارده وسكرتها كنت اسوي هالحركه كل مابردت يدي لان الهوا اللي يطلع مني دافي.. يمكن تعتبرونها غبيه الا اني كنت احب اسويها.. المــــــــــهم.. انتها الدوام ونا واقف عند باب الجامعه تذكرت موعدي مع ناصر.. إلا ان جا واحد وقالي ان فيه واحد ينتظرك ورا الجامعه اسمه محمد.. عاد انا رحت ركض له ونا مرتاع لاني ما اعرف واحد اسمه محمد غير اخوي.. نسيت ناصر..يوم عرفت انه هو محمد اخوي.. كلمني بسرعه وقال ان امي مريضه مرررهـ .. وتبي تشوفني.. انا ماقدرت اتحمل وحسيت رجولي ماتشيلني.. مسك محمد يدي.. وراح ع المطار وحجز مقعدين في اول طياره مقلعهـ علشان نروح لامي.. كان محمد متوتر اكثر مني وسبحانه ربي كانت نفس حركتي عندهـ كان يهز رجله.. رحت انا كلمت سالم وقلتلهـ اني رايح لسدير وابكلمه في اقرب وقتــ يوم سألني وراه قلتله امي مريضه شوي.. سكرت ونا خايف مررره على امي وكل ما اسأل محمد.. يقول مدري والله ياعبدالعزيز.. فجأهـ طاحت علينا وارتفع عليها الظغط ونا اللحين جايك بعد ماقالت انها تبي تشوفك،، عاد انا حدي توترت وصرت في صالة الانتظار ادعي ونا خايفــ وكان كل شوي واحد من اخواني يدق يقولنا كيفها اللحين.. لين دق علي رقم غريبـــ .. كنت ناوي ما ارد.. بس قلت يمكن واحد من اخواني ونا ماسح رقمه بالغلط.. واول مارديتــ اشر لي محمد يعني اعلنوا عن رحلتنا.. رحت رديت ونا مستعجل..قلتــ الو..هلا..مين معي.. رد:هلا عزوز انا ناصر..انت وينكـــ .. احتريتك بس ماجيتــ قلت ونا مستعجل:هلابك ناصر.. اسمع انا مااقدر اكلمك اللحين .. قاطعني:وليهــ ماتقدر .. قلت:ناصر آسفـ مقدر عندي ظرووفـــ ..ياللهـ باي..(وسكرت حتى بدون مااسمع ردهـ) |
|||||||
|
|
|
منذ /15 / 02 / 2009, 23 : 03 PM
|
#19 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..ورحت ركض ونا الحق محمد بثوبي حق الجامعه حتى ماغيرتــ لبسي.. ونا بالطيارهـ ماغير افكر في امي..ونسيت ناصر حتى ماجا في بالي كنت ادعي ونا خايفـــ ان يصير لها شي.. لاني بصراحه وبالذات الايام الاخيرهـ ماكنت اشوفها كثييير.. نــــــــــاصر.... قآلـــ .. بيـــجي.. اخلــــــــف في وعدهـ ونسآني.. مو عــآدتهــ!.. ينسى اني على ..الـــوعد.. انتظــــــــــــر.. اكييييييد مو منهـ اكيد.. أرجع آردد وآعيد.. هي ااالــظروووفــــ آآآهـ منكـ يالظروووفــ ياترى هـ/اللحين وينهـ..؟ يالهفتي.. ياترى عينه مشتاقهـ لشوفتي.. هو بالطريق.. ولا بعيد.. انا بمواعيدكـ غريق ارجع واردد واعيد.. اكييييد مو منكــ اكيييد.. هي الظرووفـــ آآآهـ منكـ يآظروفهــ.. [متى ترجع عزوز .. اشتقتـــ لكـــ ].. ليتكـ تدري وش هي قمة القهر.. عرفتــــ انك مسحت اسمي بجوآلكـ انا ماعاد صرتـــ اهتم.. انا ابي نرجع خلاص.. انا ماني بصابر.. انا مهما صبرتــ بـــ ش ــــر .. ولي طاقتي.. انا ماعاد اقدر بدوونكـ اعيش.. انا هجرتــ من بعدكـ الضحكـ والسوالفـــ انا هجرتــــ من بعدكـ الشلهـ .. انا تعبت مع كل ليله تمر بدونكـ .. كنت لانمت بالسرير اعتبرهـ انجاز.. كان صوتك يطاردني حتى في صلآتي.. عرفتــ ياعزوز ان هذا كلهـ من حبكي لك .. وني راح اتعب اذا استمريت عزوووز دامنا عرفنا ان صعب نستمر كذا.. خـــلآص ليه مانرجع.. ليهـ ! مخليها مسافات وصعبهـ انا مستعد انسى واظحي باللي تبي بس نرجع.. صدقني لو انت شعورك ميت تجاهي انا مانسيتكــ ,, انا لو ماشفتك ما كان بالقاعه جلست بجمبكـ .. انا دش مافتحت من بعدكـ انا صرت عبارهـ عن اكتئاب ماشي بالارض.. هذي بإختصار حالتي بدونكـ ياعزوز يرضيكـ صديقكــ بهالحال.. انا فكرتـــــــ كثير بكلامكـ .. يعني لازم الواحد يفقد صديقه لجل يحس بقيمتهـ ؟؟ خلاص انا استسلمت في هاللعبهـ .. انا اليوم ابي نرجع سوا وينكـــ ! ليهـ ماجيتـــ انتظرتكــ .. تأخرتـــ علي ومو من عادتكـــ ,, عزوز,, صدقني انا مهما كابرتــ الا اني اعترف لكــ اني انا بدونك ولاشي .. صدقني.. انــــــــــــــــا من اليوم اللي تركتني فيــــهـ ونا ابصم ان ناصر ولا شي.. بدووونكــ انا واللهـ ولا شي..
|
|||||||
|
|
|
منذ /15 / 02 / 2009, 15 : 06 PM
|
#20 | |||||||
|
رد: ماتغــير شي بس هالمكان صار فاضي ..
رد: ماتغــير شي بس هالمكان صار فاضي ..thanks for you Mr japan |
|||||||
|
|
|
| مواقع النشر (المفضلة) |
| أدوات الموضوع | |
|
|
