هذا أنا... يا بهجة القلب رديت'
من عقب غيبه جيت كلي حنيني"
ورسالتي أرسلتها عقب ما أقفيت'
تذكرك بأحلام .... بينك وبيني"
هذا.. أنا من دون وشلون أو ليت'
كلي وفى في داخلي يحتوني"
من قلبي جيتك بشعري ولبيت'
من عقب غيبه واطلبك تعذريني"
"يمكن" تضنيني بهجري تماديت'
ويمكن تقولي الشوق قد مات فيني"
ويمكن تقولي إني مع البعد جافيت'
والبعد نساني رجاوي سنيني"
شوفي تراني عنك ما قد تخليت'
لوشفتي دمعي حاير وسط عيني"
أبشرك أعطيتك الحق واوفيت'
لا ما نسيتك لحظه" يا ضنيني"
لكن ظروف الوقت خلتني أبطيت'
ولا غلاتك ثابته كل حيني"
كتبت لك مالشوق بيت ورى بيت'
وأحييت لك آهات جرح دفيني"
اسقيت نفسي حسرت البعد وأرويت'
وأنتي علامك خابرك تفهميني"
أوسع الخاطر بقولة تناسيت'
وأشوف طيفك كل لحظه يجيني"
أشتقت للجلسه معك حيل حنيت'
وإن كان في قلبك عتب عاتبيني"
هذا أنا: جيتك برساله وطليت'
جيتك وأنا أدري بك بلهفه تبيني"
من غربتي مليت + مليت + مليت'
أدخل على الله مالخطا سامحيني"

عيون الشوق

كلماتك جميلة.... من البعد ما طولت
........... وفى كلمات حبك.... وفيت

/
لكن
لا ما نسيتك لحظه" يا ضنيني"
لكن ظروف الوقت خلتني أبطيت'

يارجال
وانت مازلت تخطب الود ..أبطيت

أشحال لما تتزوج وتكون من العيال دشيت؟؟!!!

دمت فى حب دائم

مشكور اخوي على التعليق وانتضر جديدي

كلمات رائعو عيون الشوق
دمت بخير