السلام عليكم ورحمة الله وبركاتة
انشاء الله تعجبكم(قصه رومانسيه جميله مضحكه)...!!؟؟
هذا الله يسلمكم كان فيه واحد تخرج من الجامعة ولا اشتغل مثله مثل غيرة من الشباب المتخرجين >><< المهم اشتراله ابوه فان وبدأ ينقل معلمات مثله مثل غيرة من الشباب العاطلين >><<المهم صار له قصه جميله مع بنت من المدرسات الي ينقلهم مثله مثل غيره من الشباب الرومانسيين !!
خريج مع وقف التنفيذ..,,,
طاح في كبد ابوه وفقع مرارته لين اشترى له ابوه فان وفكه على النسوان~
ينقل المعلمات ويأكل سكر نبات~
حذف كراسي الفان وفرش الأرضية اشكال والوان~
زولية ومخدات وبطاطين ( حسب طلب المعلمات) ليه هالطلب الغريب مادري؟؟!!
المهم بينه وبينهم ستاره كنها لثام عياره
الحريم ماخذات راحتهم وفايحة ريحتهم
اذا اجتمع الشمل واخذ الفان يتهادا مبتعداً عن ديار الأهل واشتهين الأكل
اميط اللثام و وضع الطعام وكثر الضحك والكلام
والشاب الداهيه كله شفافية و اذان صاغيه
والى جواره ( ابليس الفانات ) وشيطان الخلوات يصفي له القنوات
ويسمعه الهمسات ويصور له الهامسات
وفي مشوار العودة
تغمض العيون ويخيم على الفان السكون
وتمر الأيام تلو الأيام ويزداد في قلب الشاب الضرام
ويزين له الشيطان الحرام
( وذات يوم ) وبينما يتعالى شخير النسوان
رفع الشاب الستار ليهتك الأستار ويكشف الأسرار
فما وجد الا السواد تحاط به الأجساد
فأسدل الستارة وانشغل بقيادة السيارة
وفي يوم آخر اشتد عليه الزكام وكان يعطس بعنف (ياحرام)!
فشمتته احدهن وقالت له : هل لك في بيالة زنجبيل تراهُ زينٌ بالحيييل
ومدت له بيالة تلو بيالة وشرب من يدها حتى الثمالة
وضبط على صوتها راداره وانشغل بها ليله ونهاره
اذا همست رف قلبه وطار لبه وقام يدعو ربه : يارب عساها بنت فلان بن علان
اللي بيتهم في ذاك المكان
وفي يوم لم يسمع لها صوت فاختنق حتى الموت
فتعاطس وتعاطس يستجدي التدليل وبيالة زنجبيل
ولكن لا حياة لمن تعاطس
( ماذا بلاها )؟؟!!..
قال له شيطان الفانات : تعمد تعطيل الفان وكلم النسوان وصدقني حبيبك بيبان
وقف الفان واخمد جواله واستنجد بالنسوان :
الموتر خربان يا خوات وجوالي (معلق) , من معها جوال نتصل على احد يسعفنا؟
هي : سم وهذا الجوال
اتاه صوتها كالنسيم العليل
هي والله , ما اجمل جوالها وما اعذب كلا مها
ابتعد عن الفان واتصل على جواله ثم مسح رقمه من جوالها (ذكاء)
واتصل على صديق له وتظاهر بأنه يرشده لحل المشكله
اصلح العطل المزيف واعاد لها الجوال
وخزن رقمها تحت اسم زنجبيل
وفي اليوم التالي تعمد التأخر عليهن لعلها تتصل عليه فلم تفعل
وكرر محاولاته فلم ينجح
وبينما كان ينتقل من منزل لمنزل في صباح ذلك اليوم السعيد اذ رن الجوال
واذا بها زنجبيل
هي : الو
هو : نعم
هي : بنت فلان لن تذهب للمدرسة اليوم
هو : طيب
لم يستطع اخفاء فرحته
لقد عرفها وعرف انها شابة مثله لم تتزوج بعد
فتقدم لخطبتها من ابوها فرفضه وبشده والغا عقده معه
فأصابه الهم والغم لفقدها ولفقد صويحباتها
فقد ذهبن معها
وبدئ مشوار البحث عن اخريات
وبعد شهور من الفراق وعلى حين غفلة منه رن الجوال واذا بها هي المتصلة
فرد عليها بلا شعور: زنجبيل
هي : وش زنجبيله
هو: عفواً من انتي
هي : انا بنت فلان بن علان
هو : سمي آمري
هي : ما يأمر عليك عدو ، بس ودنا نتعاقد معك ثانية ان كانك فاضي
هو : وابوك
هي : الله يرحمه
هو : صحيح ؟؟ عفواً احسن الله عزاك وتغمده بواسع رحمته
هي : جزاك الله خير ، هاه وش قلت
هو : ما عندي مانع , من العام الدراسي الجديد طبعاً
هي : لا من هلحين وترى خوياتي معي
هو : واللي انتم متعاقدين معه وش تسون به
هي : تركناه الكلب
هو : افا وش مسوي
هي : فاك علينا الستاره
هو : الله يستر
هي : وش قلت
هو : عندي شرط
هي : وش شرطك
هو : تقبلين تزوجيني
اغلقت الهاتف بعد صمت طويل ودون جواب
فأرسل من يجس النبض فأتته الموافقه المبدئية
تم الزواج وسعد الزوجين
وفي يوم من الأيام وجدها غاضبة وفي يدها جواله
هو : وش السالفة!!
هي : انت اللي قلي من هي زنجبيل هللي تكلمك وتكلمها؟؟
هو : انتي يا حياتي.
واخبرها بالتفاصيل وجرب لها الرقم فضحكت من قصة حبه..
وقالت:
ان كنت حبيت من اول زنجبيل فانا حبيت من اول عطسه

الله على القصة الروعة الي يقراها راح يعرف معنى الحب الحقيقي الغير مزيف
مشكور على القصة

طويييييييييله
بس فشله لهم الاثنين
ترقبوا جديدي
وتقبل مروري

اشكركم على المرور
شـكــ وبارك الله فيك ـــرا لك ... لك مني أجمل تحية .

مشكور على القصة