البارحة جاني مـن الحـب مرسـال
من عقب ما بينـي وبينـه خصيمـة

وانا ترى في الحـب مانيـب فعّـال
ولا بعـد ولّـع بقلبـي هشيـمـه

ولا بعد غنّيت فـي ساعـة وصـال
ولا بعد ذقـت الفـراق وجحيمـه

ولا جرى دمعي على الخـد همّـال
ولابعـد جربـت مــرّ الهزيـمـة

حتى وردنـي تالـي الليـل جـوال
وانا على شاهي وبسكـوت ديمـة

الرقم بايخ لكـن الصـوت قتـال
كنه مثل صـوت المذيعـة حليمـة

قالت مساء الخير يـا طيّـب الفـال
قلـت ارحبـي ترحيبـةٍ مستديمـة

بالعود والصفـري ودلـة وفنجـال
واجبك يا بنت الأصـول الكريمـة

ردت بضحكة ثم قالت وش الحـال؟
قلت اشهد إن الحال عقبك سقيمـة

قالت وهي تضحك بعد مثل الأطفال
وانـا بعـد كنـي بدونـك يتيمـة

من يـوم قالتهـا تزلزلـت زلـزال
من فجعتي كنـي مسـوي جريمـة

قلت ارفعي صوتك ترى مابه ارسال
كـذاب لكـنّ المصيبـة عظيمـة

قصتى قصة قلب

كلماتك الغزلية...عظيمة
لجل اقرأها.. وأستمتع ..بغنيمة
بدى عزومة.. مندى... ولحم غزال
مش ..شاهى .. وبسكوت ديمة
/
أيش فى
أنقطع الأرسال؟؟؟؟؟
روعة كلماتك
وألينا بالمزيد

اشكرك اخوي على احساسك الرقيق

خطييييييييييييييييييره لا لا ما استحمل
الله لايحرمنا منك جديدك
تحياتي

اشكرك اختي
r.s*517
على مرورك

صراح اموت بالشعر الي كذا
مشكوووووووور اخوي

عذبه هذه الكلمات
ما اجمل مشاعرك أخي
الف صح احساسك
وسلم بنانك على ما خطه من روائع
دمت شامخ

قصيده روعه وكلها احساس مرهف وجميل سلمت على هذا الاحساس يعطيك العافيه

قصيده رائعه وتسلم اخوي

يسلم قلبك وحياكم الله في منتديات ساركو

امير الورود منور المنتدى