بسم الله الرحمن الرحيم
اللهم صل وسلم على محمد وآل محمد

+++++++++++++++++++++++++++++++++

الرجاء من المشرفين عدم نقل الموضوع إلى قسم الجوال حتى يعرف الجميع لأن الكثير من الأعضاء لا يدخل قسم الجوال وهذا ماحدث معي بكل التفاصيل صحيح المبلغ قليل لكن لو ما اتصلت كان أخذوا المبلغ و سكتوا عنه

أقرأ الموضوع بأكمله حتى لا تخدع من قبل هذه الشركة

هذا ماحدث معي مع شركة الإحتيالات السعودية .... لخدمة الهاتف ..... يعني 907

مبلغ الفاتورة 375 ريال
تفاصيل الفاتورة
30 ريال أجور الخدمة وبما أن الفاتورة كل شهرين تصبح أجور الخدمة 60 ريال
120 ريال خدمة dsl 512mgp في شهرين تصبح 240 ريال
أجور المكالمات 35 ريال طبعا فقط
إذا جمعناهم = 335 ريال باقي أربعين ريال وين راحت أو عفوا من وين جات

المهم سكرت الهاتف وحسبتها قلت أشلون كذا من وين 40 ريال
قلت أتصل وأقول لهم عندي خلاف على الفاتورة المهم بعد عشر دقائق تم الرد
وقلت عطني تفاصيل الفاتورة وعطاني أياهم قلت له أحسب معي
المهم وصلنا 335 ريال قلت له باقي 40 ريال من وين جات .......

قال دقيقة المهم حسبها بينه وبين نفسه وعرف ان الفاتورة فيها خطأ
قال انتظر أشوي قلت أنتظر وأمري لله
قال عليك فاتورة من محرم وصفر قيمتها 106 ريال قلت أنا مسدد قبل شهرين أشلون تجي فاتورة محرم وصفر وتقول مادفعتها علمني أشلون المهم توهق الرجال وقال عطني رقم جوالك قلت ليه قال حتى يتصلون عليك إدارة الفواتير ويعلمونك أشلون قلت له متى يتصلون قال أشوي طبعا هالكلام ليلة الأربعاء

وأنتظر ولا أحد اتصل المهم أنا نسيت إلا وأنا أفر فر في المنتديات إلا أشوف موضوع عن الإتصالات وأفعالهم واتذكر وعلى طووووووول قمت واتصلت

المهم بعد 6 دقائق تم الرد وقلت له عندي خلاف على الفاتورة قال عطني اسم صاحب الهاتف المهم
وقلت له أنا متصل قبل اربعة أيام وعطيتكم رقم الجوال ولا حد اتصل علي قال تدري الخميس والجمعة مافي موظفين مشيتها له .............
وقال الخلاف على الأربعين قلت له نعم قلت له من وين جات قال فيه خطأ في الفاتورة قلته طيب ليه ماتعلموني لو أني مسدد كان مارجعت لي الفلوس قال هدي قلت ايش اهدي لو ماتصلت كان دفعت الفلوس ولا احد قال إن الفاتورة فيها خطأ وقلت ليه تقولون إن الفاتورة من محرم وصفر مادفعتها وأنا دافع قبل شهرين قال مين قال لك قلت الموظف اللي قالي قال مايدري قلت له وكل مرة مايدري ياأخي زهقنا كله مايدري قلت زين المهم ألحين اشلون اسدد والأربعين ريال كيف ترجع لي لأن الفاتورة نزلت 375 ريال ولازم تسدد المبلغ كامل قال خلاص تنحسب لك ماينص اربعين ريال قلت أيش يضمني
وأنا الفاتورة لا قيها واسدد عن طريق البنك قال خلاص شوف اقرب فرع وخذ الفاتورة منه
قلت له مشكووووور ويعطيك العافية بعدين انتهت المكالمة

+++++++++++++++++++++++++++++++++++++++++
للمعلومية هذاي أول مرة احسب تفاصيل الفاتورة وطلعت خطأ وكنت أول على طول من تنزل أروح أسدد بدون ماعرف التفاصيل

لأني هالمرة شكيت إن الفاتورة فيها نهب وإحتيال من قبل شركة الإحتيالات والإحتكارات والإنفصامات
وشركة أول وأكبر وأسرع ............

صحيح المبلغ قليل أشوي لكن هل هذا حدث معي فقط هيهات احسب كم شخص عملوا معاه هالحركه
لو إن بعد خدماتهم ممتازة كان قلنا ماعليه لكن خدمة سيئة وإحتكار ونهب وغش
فلا وألف لا لشركة الإحتكارات

ارجوا إخواني و أخواتي نشر الموضوع في المنتديات الاخرى

لنضع حدا لنهب هذه الشركة المحدودية التفكير
نفس الموضوع كتبته في منتديات أخرى وإن اختلف الاسم
وذلك للتحذير

شكرا لك اخي علي التنبيه والتحذير

غير مسجل انتبه

مشكووووووووورة أختي على المرووووور

يسلمووووووووووووووو

اشكرك ياضوء شمعه على موضوعك ولاكن السؤال الي يطرح نفسه لازم نسدد ولانقدر ندقق لان لهم الف حيله وحيله


ومالنا الا هم مافيه اي هاتف ثابت غير شركة الاتصالات والشفط واذا سويت اعتراض فقط يقول الفاتوره صحيحه

مشكور اختي ضوء شمعة تقبلي مروري وجزاكي الله خير