السلام عليكم ورحمة الله وبركاته

اليوم عندي موضوع جبلي الجنان ، موضوع مهم جدا خصوصا عندنا في السعوديه ، يعني طفح الكيل منهم

طبعا أقصد بالعمال هنا هم ( المقاولين ، السباكيين ، النجارين ، الكهربائيه ، مركبين الدش ، المبلطين ، الدهانيين، ناقلي العفش )

يا أخوان ما صار في ضمير ما صار في دين كلوا يبغا يلهف فلوس وبس ، وإيش الشغل زي الزفت

أنا أقلكم عن شي ، أنا دحين نقلت من بيت لبيت ، والله شفت البهدله من العمال دول ، لا في ضمير في العمل ، وحراميه ، وما يسووو الشي كويس ، يعني أولا المقاول جاني واحد ما أنكر إنوا كويس بس جايبلي عمال أغبيا ، ما يعرفوا يشتغلوا شي ، خربولي أم الشغل وبس ، وبعدين يقلي هات فلوووس .
طبعا أبدأ معاكم بشخص شخص ، عمال الجبس شغل بطيء ، وأي كلام بس خلص خلص ، بعد ما يخلصوا يغسلوا أياديهم بالمغسله وأكيد مع الجبس والوسخ بتجلس في الأنابيب وتنسد .
الكهربائيه شغل مشي حالك ، المكيفات تعبانه ، تركيبها غلط ، موصلين غلط أستغفر الله إيش أقول ، كهربا تقلوااا حط لمبه هنا ما يحط على مزاجوا.
السباكه أي كلام يعمل حمام ويترك حمام ، كلوا خربان تركيب أي كلام.
النجار يا سلام ، يركب البيبان مخلوعه ولا يهموا أي شي ، لو أنحبس أحد مات أحد في الغرفه ، يعني شي مررره يوجع الراس ، المبلطين كمان لا تزعلوا مني حميير ، يسوي ويكسر ويخربط وأي كلام ، وبعدين بعد ما ينتهي يقلي شفت كيف ظبطلك الشقه والله إنوا تعبان وكل شي ناقص
الدهان ما يعرف طبعا يدهن ، ما يحط أساس كويس غباء بس
وطبعا أخيرا بقولها بعض الحمييير ناقلي العفش أولا لا في ضمير ولا شي ، كسرولي جزاز وفاظات وكاسات ، وبهدلولي العفش من حكات ، والمطبخ ما يعرفوا يفكوا ، والستاره فكها وكسرها ، وفي الأخير طبعا حراميه مو معقول ما يصرقوا شي ، والله صرقوا جوالي وإن شاء الله إلي سرقوا ينحرق في وجهوا
وأشوفوا وأذكروا يارب ، لا عندهم دين ولا ضمير ، ما أقول غير أستغفر الله
عارف إني طولت بس والله من القهر
ليش إحنا نجيبهم ، ليش ما نشتغل بيدنا ، ليش ما نجيب ناس عندهم ضمير ، ليش نجيب ناس ما عندهم خبره ، وللأسف أغلبهم كدا ، يعني محد يجي يقلي إنتا جايب عمال رخيصين ولا شي ، لأني صرفت حوالي 100 ألف على شقه تصدقوا ، وبعدين كل شي بطال ، بس أقول الله يكافيهم وإذا كان ما عندهم ضمير والله ما بسامحهم ليوم الدين ، وإن شاء الله يوم العرش أتحاسب معاهم واحد واحد ، والله يا ناس ما تعرفوا قد إيش أنا تعبت معاهم ، بس الله بيعين وتحياتي