السلام عليكم ورحمة الله وبركاته

تحياتي للجميع ...........دائما انا اللي بدخل واسمع و ارد وانتوا ولا انتوا هنا فقلت بيني وبين نفسي المرة ديه مابدهاش هدخل برضه بس المرة ديه انا اللي هتكلم وانتوا اللي تردوا عليا...ماشي

ايه مش سمعه؟!

ايه ده هو ما فيش حد هنا ولا ايه؟

على العموم انا هتكلم واللي يحصل يحصل...

انا ححكي لكم طرايف مصري هي مواقف بتحصل له وهو بايع الدنيا بتبن<<<طلعت الجنسيه<<

الموقف الاول
مع احدى زوجاته

-"بصي البنطلون ده معايا من قبل ما اجوزك.."

-"آه..جميل"

يخرج شيء ما من جيبه"آه..الله بصي الميداليه دي....اشتريتها قبل ما اجوزك"

زوجته بضجر:"واللهِ.....حلوه أوي"..

-"ومالك بتقوليها كدا مطلعه المجاملة من مناخيرك....افتحي التلفزيون كدا خلينا نشوف حيعرضو لنا ايه في سهرة النهارده"

فتحت زوجته التلفزيون وعادت تجلس بجانبه:

الزوج بفرح-"ياه...بصي..بصي الفلم ده صورته لما كنت نحيف...(بحسرة) كنت لسه خالي ..يعني كده تقريبا قبل ما اجوزك"

زوجته وقد طفح الكيل<<<ولعت<<<"الله...الله...الله...ايه ده شايفاك حنيت اوي للايام اللي قبل ما تجوزني فيها...هيه ايه الحكايه...فيه ايه ...مالك؟؟؟؟"

بخوف<<"ايه..ولا حاجه..مالك ياوليه..دي ذكريات..حرام الواحد يذّكر اليومين الحلوين دول...والله حاله.."

بصوت منخفض"ما كنش حد حيقولي كده...لو كنت قبل ما اجوزك""...

للمواقف بقيه مابقيت الحياة

تحياتي.........

يا رجال روح