قصة بنت تتوفى يوم عيد ميلادها

برق الحيا · 22 May 2008, 02:12 AM

بسم الله الرحمن الرحيـــــــــــــــــم .........
حبيت اجيب لكم قصة وانشا الله تعجبكم ..
مابي اطول اخليكم مع القصة ..

جنان بنت في الـ 14 من عمرها تدرس بإحدى المدارس بالدمام ...... المهم نبدأ بأول يوم وش صار معاها
البنت في يوم الخميس طبعا عطلة من المدارس نزلت متأخر الساعة 11 تقريبا وشافت ابوها يستعد بيروح يصلي بالمسجد راحت وحبت تذكر ابوها بشي مررررررة تحبه وكانت تنتظره من زمان
وقالت : يبا نسيت !!
الوالد : شنو ؟
جنان: نسيت ان عيد ميلادي بعد يومين ؟؟
الوالد: ايوووه تذكرت ... بس تغيرت ملامح وجهه شوي بعد ما ذكرته بالسالفة واعتذر لها
جنان : ليه تعتذر ؟ في شي !! ؟
الوالد: اي في شي ..... يا بنتي .. مدير الشغل قاللي ان في كم شغلة لازم اسويها وبتأخر في يوم الاحد وما برجع الا في المغرب ويمكن ارجع الليل
البنت انقهرت في داخلها وقالت بهدوء بدون تظهر القهر : طيب خلاص انشا الله تخلص الشغل وتاخذ راحتك ..
راحت وهي تمشي بهدوء والتفتت بس ماقدرت تمسك روحها بدت عينها تدمع لأن مو أول مرة ابوها يعتذر انه يلغي عيد ميلادها للعام الجاي ..
البنت انكسر خاطرها يوم سمعت ابوها للمرة الرابعة يعتذر على هالسبب البايخ !!
وقالت في روحها : دوم امي ما تهتم بي وابوي كل ما اطلب طلب اعتذر وش يبوني اسوي !!
قامت عذبت روحها صياح وطلعت القهر الي فيها وحبت تروح تصارح ابوها بس شافت ابوها طالع وامها بعد طالعة والبيت فاضي !!
استغربت البنت !!
وين راح ابوي !!
وين راحت امي !!
وييييين ؟؟
قعدت تطالع في كل غرفة وتتأمل فيها عدل وحبت تروح غرفتها وتقضي وقتها بأي شي تحبه
وراحت وطولت على المسجل وحاولت تنسى همومها بس المشكلة هالشي ما نفعها !!
كانت تستمتع بوقتها بس مادرت شنو يصير تحت !!
في ذاك الوقت كان 3 شباب يراقبون هاذا البيت عدل لمن شافو الوالد طلع والام بعد وكل واحد لشغله قرروا يسرقون البيت ..
بس ماكانو يعرفون ان هناك احد بالدور الثاني
بس وهم دخلو عرفو من صوت المسجل الي صوته طالع لبرا الشارع ..
دخلوا وقرروا ثنين يروحون يجمعون اكبر جزء من الاثاث ويسرقونه والثالث يصعد لفوق ويشوف من وين هالصوت ..
عرف من وين الصوت وحب يتعرف على منو غرفته وبالاصح منو الي بالغرفة ؟؟
دخل بشويش من دون ما تحس وشافها بنت !!
البنت ما حست حسبت نفسها بروحها وقاعدة تسمع الاغاني وتردح وتهز براسها ..
بس وهي فتحت عينها ماعرفت منو الي قدامها واقف ..
كان شخص غريب اول مرة تشوفه ما تحملت قامت تصوت بأعلى صوتها ..
عرفو الشباب الي تحت انهم انكشفو قرروا انهم يمشون بس ما بعد ينزل صديقهم راحو قرروا يقتلون صاحب هالصوت ..
ودخلو الغرفة وشافو البنت تصارخ والوالد يحاول تهدأتها ..
وبدون تردد حمل واحد من الاثنين المسدس وطلقوه على البنت ..
والبنت فارقت انفاسها وتقطع صوتها شوي شوي لمن ماتت !!
طلعوا الشباب مع غنايمهم من سرقة هالبيت ومشوا بسرعة ..
اما البنت المسكينة تصوروا ماتت في نفس يوم عيد ميلادها ..
جا الابو وهو متفرغ وتوه العصر يروح يجهز لعيد ميلاد بنته عشان ما يكسر خاطرها بس وهو اشترى كل شي وراح البيت .............

ينادي بصوته : جناااان .... يا بنتي وينك ؟
مااحد يرد !!
قال في نفسه معقولة البيت فاضي !!
المهم قال اكيد بنتي نايمة وصعد فوق ودق الباب ولا فتحت زي عادتها تصحى من نومها على اي صوت ..
وفتح الباب ولا شاف شي وقام يتجول بالغرفة الا وهو وصل للسرير مشى جمبه وشاف بنته ..
شنو شاف ..
شافها لابسة ثوب احمر ... الثوب بالاصح لونه وردي بس من كثر الدم صار كله احمر ..
الوالد جا مسرع لبنته يحضنها ويصارخ بعالي صوته بس مافي فايدة ...
اتمنى عجبتكم القصة ومع ردودكم ..

سارا السلطان · 22 May 2008, 05:10 AM

يسلموووووو اخووي علي القصة المحزنة
وتقبل تحياتي
سارا السلطان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري