نصائح وارشادات لاصحاب الدرجات الصحراويه

برق الحيا · 20 May 2008, 12:15 AM

السلام عليكم ..
هذي بعض النصائح والارشادات لمستخدمي الدراجات ألناريه (( الصحراوية )) للمحا فضه عليها

لذلك راح أبين لكم أبرز النقاط التي من الواجب عملها بين كل فترة وأخرى .

1 - أهم شي وهو الجنزير (Chain) : تأكد دائماً من أنه مشدود ومشحّم لأن في حالة إذا كان مرتخي و صلب من غير شحم راح تتكسر الساعتين الأمامية والخلفية .

2 - فلتر الهواء (Air filter) : دائما حاول تنظفه في كل طلعة لأنه يجمع تراب بداخله .

3 - ضغط الهواء في الإطارات : دائماً تفحص الهواء في الإطارات بواسطة المقياس اللي يجي مع الدباب . وحاول يكون ضغط الهواء تماماً مثل ما هو مقترح على نفس الإطار .
لأنك إذا ما انتبهت للكفر راح ينقص الهوا اللي فيه ويرتخي الكفر وخطر ينشق.

4 - ماء الراديتر (Radiator) : احرص دائما على أن تكون قربة الراديتر الخلفية (في الرابتر والـ400 والـ450) وتكون أسفل المرتبة (البانشي) احرص على أن تكون مملوءة بالماء المقطر الأخضر . على المستوى Full . و تأكد بعد من الراديتر نفسه اللي بالأمام .. طبعاً لازم تفك الفيبر اللي يغطيه ثم تفك الغطاء الحديدي وتشغل الدباب ثم تعبي إلى أن تطلع المويه واقفل الغطاء الحديدي على طول .. ورجع الفيبر ..
وإذا أهملت الراديتر احتمال ينشق الراديتر وما تقدر تلحمه وتحتاج تغير راديتر ثاني

5 - تأكد من مستوى الزيت في المحرك بواسطة المعيار اللي يكون تحت الدر كسون (عند المكينة) وهو دايماً يكون في علبة سوداء وبغطاء ابيض في دراجات الفور أستروك فقط ..
دائما احرص يكون الزيت عند المستوى F . ويا شباب مره ثانيه أنبهكم مهما كان قرب الفترة اللي غير توا فيها الزيت تفحصوا المستوى لأنه الزيت ينقص بين كل فتره وثانيه .. وإذا نقص مره راح (تخبط) المكينة بكبرها .

6 - احرص على شراء بخاخ تنظيف الكربريتر ,, واستخدمه بين كل فتره والثانية
وطريقة استخدامه .. فك الفلتر و الدباب طبعاً يكون طافي . وبخ البخاخ في فتحة الكربريتر ودق سلف راح يشتغل الدباب . وبخ وادعس . وهكذا .

7 - : إذا كان القير مايلقم النمرة ألثانيه ويفضي . اعرف إن الكلتش عندك يبيله تغيير . غيره عشان لا ينعدم القير عندك .

8 - اغسل دبابك دائماً لأن تجمع الأوساخ والأتربة عليه راح يضره بشكل كبير .
واصلاً أنت راح تكره دبابك إذا كان وصخ ... !!!

9 - ومهم لأصحاب الرابتر : انتبهوا على السلف تراه حساس لذلك إذا ما اشتغل دبابك من أول دقة سلف أو اشتغل وطفا لا تحاول تعلق على السلف عشان لا ينعدم . . لكن تأكد من مضخة البنزين محطوطة على ألon أو res
وتأكد أن فيه بنزين أصلا .. وإذا ما اشتغل غير البوجي .. وراح يشتغل أنشا الله من أول دقة سلف .. مع دعسة بنزين للنص .

وأخيرا .. إذا سمعت أي صوت غير طبيعي أو صار شي غير طبيعي في دراجتك لازم تسرع توديها لأقرب ورشه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مقطع قطع رأس اسلامي ... لاصحاب القلوب القوية ,,,	ابو نرمين	الجريمة والأخبار المثيرة	66	18 Oct 2008 02:45 PM
لاصحاب الشيروكي والرانجلر - شروكي - شيروكي	برق الحيا	عالم السيارات و الدراجات النارية	1	10 Sep 2008 09:56 PM
صور مرعبة للجن (فقط لاصحاب القلوب القوية)	mero1512005	المواضيع المميزة	127	01 Aug 2008 02:00 AM
مسجات هدية لاصحاب القلوب الوفية	لين	الجوالات والبلوتوثيات	9	12 Apr 2008 09:03 PM
جربوا حبيبي هذه الاعمال لنيل الدرجات العلى	ام ادم	الإسلامي	2	04 Mar 2008 08:36 PM