مدخل / أمسح الدمعــــه ترى ضعفك قوي ... انهزم قدام ضعفك يــا غلااااي.

أمسح الدمعـــه بعمـري لو تبــي ... عطني احزانك وخذ مني هنااااي.



ياعمري الدنيا ما تسوى تنام وخاطرك زعلان ... ولا في شي يستاهل يخلي قلبك يعاني

طلبتك كان لي خاطر تبعد عنك الأحزان ... فديت عيونك الحلوه تبسم لو على شاني

حبيبي صار لي مده أشوفك تايه وحيران ... وأنا والله لا شفتك حزين تزود احزاني

أنا احبك ولا ودي تعيش بدنيتك ندمان ... ترى الأيام محسوبه وتالي هالعمر فاني

تصدق بسمتك والله تفرح خاطري الولهان ... يطير من الفرح قلبي واصير بعالم ثاني

والى من شفتك بضيقه أحس أني أنا الغلطان ... أعاتب نفسي بنفسي ولو ماكنت أنا الجاني

غلاك بداخل عروقي ولا يوصل غلاك إنسان ... يمر الوقت ويثبت لك غلاك ان الله أحياني

اضحي بعمري لعيونك تنام انته وانا سهران ... ونادي جروحك لقلبي تجي واحد ورى الثاني



مخرج / افـــــااااا ياجرح لاتبكي ترى كل الجروح تطيب ترى كل البشر يخطوووون ... ونتحمل خطايــاهم .

" هديه لكل زعــــــــــــلاااااان "

شكرا على الكلمات الرائعه والمشكله ان الزعل اصبح جزء منا يعطيك الف عافيه

عزيزتي اسرار ربي يسعد اياااامك دوووومـــ

شكراً لمرورك.