الساعة الأن 2 بعد منتصف الليل , وتوني راجع البيت , وشاري لي ذاك العشا الطيب من أحد
المطاعم , زي كل يوم
وعيوني وسمعي على جوالي , أنتظر يدق , وتكلمني واحدة من صديقاتي , ونسهر نتكلم
على التلفون زي كل يوم
وطبعا سواليف في كل شي , وضحك وزعل وخرااااط , يعني من كل بحر قطرة

المهم .... ماطولت الأنتظار , ودقت وحدة من صديقاتي
وفجأة وفوسط الكلام ... قالت البنت

البنت : تراني أبغى أقول لك شي مهم ؟

قلت في بالي : بس الأسطوانة إياها إشتغلت , ومثلها مثل اللي قبلها واللي قبل قبلها
يعني إنها يمكن ملت مني , أو يمكن جدت عندها ظروف , بتقول يافلان لازم نفترق
أو بتقول جاني واحد خطيب يبغاني , وأهلي خلاص وافقوا , وأنا الحين ورطانه
ماني عارفة إيشش أسوي ؟
يعني لا شيء جديد

المهم طلعت إيديني , وبديت أقبص نفسي , إستعدادا لتقمص دور الولد الحزين , اللي
بيطقها بكوة , يعني ماأقدر على فراقك ياحياتي

لكن من قرادة حظي , قالت البنت شي ثاني

البنت : يافلان ... وشهو نهاية علاقتنا هاذي ؟؟!

بصراحة وقتها بلمت , ولا عرفت وش أرد وأقول وأجاوب
يعني توريطة على كيف كيفك

كملت البنت كلامها
البنت : يعني بالله بتيجي تخطبني من أهلي , وترضى تتزوج وحدة عرفتها عن طريق
التلفون
ومن هالحكي اللي إنتم خابرينه

المهم قمت أدربي بعيوني في الغرفة , ولا ني عارف إيش أسوي

صرخت البنت علي بصوت عالي
البنت : وينك فيه ...... وين رحت ؟؟
أنا : هلاااااااا ... معاك ... وين بروح

البنت : هاه ... وشهو ردك ذاك الوقت ؟


قمت أنا أدور وألف عليها ... وأمطط هالحكي ... ووش اللي جابلك هالأفكار ألحين ؟

البنت : يعني ماتقبل تتزوج وحدة عرفتها عن طريق التلفووووون !!

بصراحة وقتها بغيت أقول إيه وأخلص نفسي من هالفيلم

وفجأة مادريت إلا البنية الله يهديها ... تطق ذيك البكوة من جد

البنت : لو تدري وش كنت أحبك , وأعزك , وأغليك , ...........

وأنا قلبت مثل التيس , وجالس بس أمئمئ

وماأسمعها إلا تقول

البنت : روووح الله يسامحك .... وأرجوووك لاعاد تتصل علي ,
وتقفل السماعة في وجهي
طااااااااااااااااااخ

أنا وبكل برود وبساطة , شغلت الدش وجلست أقلب بين هالمحطات
(( متعود على التهزيء ))

إلا أبوي يدق علي على الثابت
أبوي : أبغاك من بدري بكرة ياولد , أبغى أتناقش معاك في موضوع !!

غريبة .. إيش يبغى أبوي فيني ؟!
تراه عمره ماناقشني في موضوع , ولا عبرني أصلا

.................................................. ....................................... يتبع

مشكور يالكفيف
وكل الشباب كذا
يعطيك العافيه
في إانتظار الجديد

هلا صعب توصلني

شكراااا على الرد

جلست أفكر بيني وبين نفسي ... وش الوالد يبغى .... إيش الموضوع يعني ؟
تعبت من التفكير ... ولا جاني نوم حتى أذن الفجر


على الساعة 12 صباحا ( من جد حلوة 12 الصبح )
نزلت الصالة بالدور الأسفل

إلا وألاقي الوالد جالس مع الوالدة لوحدهم

المهم بست أبوي من رأسه , وبست إيد الوالدة , وجلست معهم

إلا أمي قيدها خفيفة وتقول : أقبل المعرس

وأنا أقوم أتلفت ... يمين ويسار ... مين معرسه ؟! وش القصة ياولد ؟؟!!

إلا أبوي ... وبصوت فيه نبرة حزن ( وكأنه عماد حمدي )

أبوي : ياولدي ... ودي أشوف عيالك قبل ماتغمض عيوني من الدنيا ...
وأنا شفت عيال إخوانك .... ولا باقي إلا عيالك ...

وأنا أقول في نفسي ( وش عيون , وش تغميض , وش عيال )

وعلى الفور تدخلت أمي وقالت
أمي: ترى أبووك .... قرر يزوجك
!!!!!!!!!

بيني وبينكم ... أنا كنت رافض الفكرة أصلا ... إلا بعد التخرج بعد عمر طويل

ولكن بديت أقتنع لين الوالد بدأ يتعهد على نفسه , بأنه مسؤول عني وعن
زوجتي حتى أتخرج بإذن الله

بصراحة ... وجهي مهو وجه مسؤوليات ... ولا ناوي أتخرج قريب

وجلست أمي تحكيلي عن فوائد الزواج ... وياولدي الزواج سترة .. ومن هالحكي
إلين ماملت راسي

وقمت أتخيل نفسي راكب حصان أبيض ... ومعاي بنت حلوة .. وإني تزوجتها ومبسوووط

أبشركم ياأخواني ... أخيرا إقتنعت بالزواج ووافقت
وقلتلهم
أنا : أجل هيا .... إبدأوا البحث عن العروووسة

ولا أدري إلا بذيك الرفسة من الوالد ( يعني منتظرينك توافق يالدلخ )

أمي : تراه أبووك موصيني أدور لك على بنت من أسبوعين
وأنا ... خلاص لقيت البنت اللي تناسبك
وبنرووح كلنا اليوم جميع نخطبها لك رسمي


أنا إبتسمت ... وقمت أتخيل إني مع البنت ... وإنهم وافقوا خلاص

.................................................. ........................................ يتبع

المهم
من بعد صلاة العصر , وأنا مسنتر قدام الحلاق التركي اللي في حارتنا
أبغاه يحلقلي , ويزبطني
خلصت حلاقة , والحمد لله كله تمام التمام

ما أذن العشا , وغلقت الصلاة , إلا وإحنا قدام بيت أبو صويلح ( صديق أبوي من زمان )

أبو صويلح هذا رجال معفن مايسوى ريالين , وكل كلامه عن الدخان والصلاة

الله يعيني عليه بس

جلسوا الشيبان يضحكون , وسواليف , وسالفة ورا سالفة , وأنا أنتظر إنهم يجيبوا
موضوعي ..... لكن ولى على بالهم
إلين رفعوا ضغطي والله

المهم ... أخيرا .... أبوي نطق هالدرة
وقال أبوي : عاد ياأبو صويلح , الولد يبغى يشوف البنت
إنبسطت أنا على الأخر ( أجل الدعوة فيها شووفااات )


قربت من أبوي شوي وهمست في إذنه
أنا : لو ممكن أجلس معاها بروحي شوية , يعني أشوف مستوى تفكيرها

وعيونكم ... ماأشوف إلا ذاك الكوع من الوالد على خصرري
وأأأأأأأأأأأأأأه ياكلوتي

المهم طاح العقال ... والتشخيصة راحت وطي... وشكلي صار بايخ

في هذه الأثناء
حس أبو صويلح إنه صار شي
أبو صويلح : عسى ماشر ؟؟

أبوي : لا مافيه شي ..... بس الولد شرق

وقمت أنا أبغى أكحلها ... قمت أكحكح

عاد إلا ويقوم أبو صويلح ينادي على ولده الوسطاني خالد
أبو صويلح : أدخل بالرجال للمجلس

قمت أتلفت وأناظر ... يسار يمين ... منهو الرجال

أثاريه يقصدني أنا ..... طيب ليششش ؟ يبغوون يعشوني يعني !!

المهم قمت وأنا حايس من الضربة
وجا على بالي الأفلام المصرية
وإني ألحين بقابل بنت خجولة ومستحية
يادوب ألحق ألقط لها نظرة قبل لا تستحي وتخرج من المجلس


وقمت أحاول أزين وأرتب نفسي على قد ماأقدر

ويالله أدخل المجلس من هنا ..... إلا وش أشوووف من هنا ؟!!!!!!

.................................................. ................................................. يتبع

يعطيك العافيه الكفيف
وننتظر البقيه انشاء الله
في أسرع وقت

شكرا غصون الذهب

يعطيك العافية

ويادوب دخلت المجلس خطوتين , وأشوف بنت حلوة وجميلة جمال
يعني مابقت للحلا شي
إيه والله العظيم .... هذا اللي صار

معقوول إنه الجمال والحلا والرشاقة هاذي تطلع من ظهر أبو صويلح !!

ماني مصدق والله

إلا وعين البنت تيجي في عيني
ولا إستحت البنت ولا شي

وتقوم تناظرني من فوق إلين تحت
إلا شوي وتقول
البنت : يالله لف يمين شوي ( تبغى تناظرني من ورا )

وش ذي البنت

بالله لحظة .......

منهو العريس ومنهو العروس ؟؟ ومين اللي لازم يستحي
بصراحة .... أنا إرتبكت

إلا البنت تقوم وتفك ذيك الضحكة
ههههههههههههههههههههههه
خخخخخخخخخخخخخخخخخخخ
كركركركركركركركركركركر

ويقوم أخوها خالد يسألها
خالد : خير .... وش فيه ؟!

البنت : تراه نسي يشيل رقم الغسالة من على ثوبه

المهم يخرون ضحك علي هي وأخوها

ههههههههههههههههههههههههههههههه

وأنا واقف متفشل ... وأبتسم إبتسامة قهر ( مسوي فيها إني ظريف )

خلاص جالس متفشل , ولا لي وجه أرفع راسي
وخلاص أبغى أخلص من هالموضوع بأسرع مايمكن
قبل ماتصير فضايح ثانية

أبغاها تقوم وتخرج وتنقلع من قدام وجهي

والبنت ياعيني جالسة , وولا على بالها

!!!!!!!!!!!!!!!!!!!!!!!!!!

البنت : هاه .... شفت كل شي ؟ تأكدت إن البضاعة سليمة ؟
أنا : وش هو بضاعته ؟!

البنت : أنا ..... ولا يمكن ماعجبتك ؟
أنا : إيه ........ أأأأأأأأأأأاه ........ ما شاءالله عليك ... حلوة وقمر

البنت : طيب خلاص ... وش جالس تنتظر ؟ رووح مجلس الرجال ووريني مقفاك لوسمحت
وخذ الباب معك

أنا : طيب وحاضر

قمت أنا ووجهي , وأروح مجلس الرجال
( ماتلاحظون إن البنت ملسونة شوي )

إلا أبوي وأبو صويلح قاعدين ياكلون تمر ويشربون قهوة

جلست جنب أبوي , وكأني طالب إيتدائي
ولانفس ولا حركة , وصرت مؤدب جدا جدا

وتمت الخطبة على خير

.................................................. ................................................. يتبع

يعطيك العافية أخي
بانتظار البقية
تحياتي,,,,

الحمد لله على كل شى

مرت يومين من الخطبة ...... وذاك اليوم كنت متواعد مع أصدقاء لى ..... للسهر
فى أحد الكازينوهات .... كوتشينة وباصرة وطاولة وسوالف
يعنى تغيير جو ونزهة

إلا وانا خارج ..... الشغالة تقول لي : بابا ...فى تلفون لك
قلت : مين ؟؟
قالت: بابا ... بنت يبغى إنت
وأطير على غرفتى طيران ..... زي الصاروخ

مين هاذى البنت اللى بايعتها وتطلبنى على تلفون البيت والعائلة
وألحين أنا عندى تلفونى الخاص

حولت صوتى لأنعم شى أقدر عليه

وقلت بالتلفون : ألوووووووو ..... مرحباااااااااااا
البنت : ياهووووووه مابغيت ترد
قلت : عفوا ........ من معاي إذا سمحتي
قالت : أيه ...... يحقلك من كثر البنات اللى تعرفهم ... أكيد بتضيع بين أصواتهم

المهم أنا ضيعت من جد ...... مانى عارف مين هاذي

قلت : أكيد هيفاء .... لآلآ .. أكيد منى ... لآلآ أكيد نورة
ألآ تقول البنت بعصبية : خلاص ...... بسسسسسس ....
أنا خطيبتك سارة

ألا أنا تجمدت عروقى لحظات , وحسيت أنى خبل وغبي وثور
وقمت أرقع وأكحل في الموضوع

قلت : أكيد سارة .... أنا عارف من أول .... بس حبيت أفلفلك وأرفع ضغطك
ولا أنا ماعمرى رفعت سماعة التلفون ... ولا كلمت ألا أمى وخالاتى بسسسس
قالت : خلاص ... أنا مصدقتك
قلت : هاه ياعمرى وش عندك ؟؟
قالت : أبدا ..... بس حبيت أشوف عقليتك كيف ... أشوف عريس المستقبل وكيف تفكر
قلت : هلا وغلا ..... ومسهلا ..... حاضر وتحت أمرك
وأجلس .....وأفك الأزارير ...
بلا أصدقاء ...... بلا طلعة ...... بلا نزهة
وأجلس سواليف معاها ....... حدود ساعتين
ومافيه ألا أشلخ عليها أنى ولد مستقيم ..... وما فيه زيي بين الشباب
وأنى على نياتى ...... ولا أعرف شي ..... وعمري ماسويت شي
ومن البيت للكلية ..... ومن الكلية للبيت

المهم حسيت أنها أقتنعت بهالكلام ....... ولا عادت تشك فينى

جلسنا على هالحال
كل يوم أجلس أنتظرها تتصل..... ونجلس سواليف وحكاوي وسهر
وأضحك عليها

ومرت أيام الخطوبة


وجا كتب الكتاب .......
وكتبنا الكتاب .......

وأصبحت سارة زوجتى شرعا

وباقى على الزواج أسبوع كامل


------------------------------------------------------------------- يتبع