الى اختي الكريمه مشرفة عالم الطفل شكرا لك لاستجابتك لي لذلك اطمع بكرمك في افادتي بموضوعي
لقد قرات ردك لي بتمعن وقد لاحظت بان ابني يتعلق ببعض الاشياء وعندما تتلف يتركها وبالذات عندما ينام واذا لم يجد يمسك بيدي حتى ينام وهو متاخر بالكلام او بمعنى اصح بالتخاطب فلا استطيع ان اتفاهم معه بالكلام وبالذات عندما يبكي استطيع ان افهم مايريد لاكني لا استطيع ان افهمه مايجري
وعندما عرضته على طبيب اعصاب شخصه على انه فرط نشاط وقلة تركيز وانتباه ووصف له الريتالين
دواء لزيادة التركيز وطلب مني ان اساعده على النطق بوضع برامج على الكمبيوتر وقد احبها واصبح يردد مامع الكمبيوتر لكن بقيت مشكلة التواصل معي.
ومشكلة الدواء انه يقلل شهيته على الطعام ويجعله متوتر وقلق .
اختي الكريمه لقد سعدت بردك علي لذلك اعذريني على الاطالة اريد منك بعض الحلول حتى استطيع ان الهيه عن هذه العادة علما باني اجد صعوبة في مشاركته لي في اللعب يحب ان يلعب بطريقته ويحب الخروج من المنزل كثيرا وانا في في بلد غربة لا استطيع الخروج يوميا فهل من طرق داخل البيت.
ارجوكي ساعديني وجزاك الله كل الخير

هلا عزيزتى ام العبدين

ان شاء الله محلولة ما تقلقى حبيبتى دى امور عادة ما تحدث
للاطفال المتأخرين فى النمو او اطفال اللى بيصاحبهم مرض سوء التغذية
اولا كويس انك عرفتى ان مفيش اى عيب نفسى والرينالين ياريت متاخديهوش عليه كتير لانه احيانا لما بتزيد جرعته بيؤدى لاثار جانبية سبئة اعتقد قريتى النشرة وكمان فكرة انه يتعلق بالاشياء الى ان تتلف ده ويتركها ده اسموا فراغ كامل لدى طفلك على فكرة طفلك ذكى جدا ما شاء الله وده واضح من تصرفاته انه بيشعر بالاشياء واكيد لاحظتيها
اولا ابنك مش حاسس بالامان بدرجة كبيرة علشان كدة بيستمد الامان ده من الاشياء اللى بيقتنيها ولما بتفسد بيرجعلك انتى مثل مقولتى انه بيمسك ايدك قبل النوم دى اشارة منه انك تقتربى منه اكتر وتحاولى تعاملية بطريقة مختلفة وايااااااااااااكى والشدة ابدا ما تعاملية بطريقة جافة لان الولد حساس وذكى وده اللى مسببلة نوع من التوتر العصبى وحاولى قدر الامكان لو اكبر من خمس سنوا على ما اعتقد هو كدة تقعدية قدامك وتقرى قرآن كتير وخلية يردد وراكى لو حتى ساعة يوميا الى جانب البرامج اللى على الكمبيوتر برده
لاااااااااااااا يزيد عن ساعتين لان كتر تعرضة للاجهزة الالكترونية زى التليفزيون والكمبيوتر بيزيد التوتر
ومثل مقولتلك احكيلوا حكايات وكل ما الحكاية تكون كويسه وتعجبة عيديها يوم واتنين وثلاثة وخلية يقولها هو بعد متكونى اتأكدتى انه عرفها كويس وبعدها قوليلوا شاطر وشجعية واحكيها تانى قدامة هيلاحظ الفروق فى الكلام
الى جانب ان حكاية مسك ايدك قبل النوم دى حكاية عادية جدا هتروح مع مرور الوقت وانشغاله بأشياء تانية كتير مثل البرامج تجيبيلوا كراسات رسم وكتب وتخلية يلون حلو جدا التلوين للولد خصوصا فى الحالات دى
عارفة انتى لو اتبعتى الحاجات دى هتلاقى مرحلة مسك الصباع دى اتحولت الى تدليك لمعصم ايدك ده نوع اقل وصدقينى اول ميحصل كدة اعرفى انك تبدأى تزودى الحكايات الى جانب قراءة القران الكريم والبرامج لمدة اسبوع او اتنين هتلاقى فرق كبيييييير جدا
كمان للحمام الدافئ قبل النوم اثر فعال
( مياة دافئة وبلاش الشامبو ويانسون ونعناع وبعض ورق اللافاندر عند اى عطار ده حمام طبيعى جدا وهيريح اعصابة قبل النوم بس ابقى صفى الشوائب قبل الاستعمال علشان ميضايقش وان لقيتى الرائحة كريهة بالنسباله او غير متقبلها بامكانك اضافة ماء توالت للحمام )
التغذية ثم التغذية ثم التغذية
كترى جدا من اللبن وابعدى كل البعد عن الكاراتيهات والشبسيهات واى حاجات فيها مواد حافظة دى كلها بتقلل التركيز عنده وتزود كهربة المخ عنده

لو مش هتقدرى تلعبى معاه بامكانك تحميلة المسئولية الاوروبيين بيتغلبوا على المشاكل دى بتحميل الطففل المسئولية من الصغر مثل يا محمد تعالى ساعدنى فى شيل الشنطة اصلها تقيلة وخلية يساعدة او تيجى نعمل لوحة جميلة ونعلقها فغرفتك وكل محد يجى تقوليلوا قدام الولد طبعا الرسمة دى بتاعت محمد هو عملها
كمان تحاولى تخلية يتعرف على مسئولياتك اكتر ويدخل فحياتك اكتر لان انعزال الولد بعيد عن الوالدين غلط مثل تقربة بدرجة كبيرة يعنى مش لازم تتحدثى فى مشاكل شخصية بينك وبين باباه قدامه ويكفى حديثك انتى وباباه على اشياء له دخل فيها علشان يحس بالاهتمام
وكمان لو مش هتقدرى تفسحية بره خلى باباه ياخدو مرة كل اسبوع او كل فترة واول ميرجع خلية يحكيلك هو عمل ايه وراح فين دى كلها حاجات بتقلل التوتر بدرجة كبيرة
اعملى بس اللى قولتلك علية وان شاء الله النتيجة مضمونة
تحياتى الغالية واى شئ اى شئ مهما كان عاوزاه ما تترددى فى سؤالى انا موجوده دائما
تحياتى الغالية لكى وللامور الصغير
واتمنى اكون افدتك
وفى انتظار النتيجة