صدقيني حيل أحبك والوعد يوم القيامه

صعب توصلني · 05 Apr 2008, 03:16 AM

إجرحيني لا بغيتي .. كان لِكْ جرحي إبتسامه
المُهم إنك تكوني يا بعد ذاتي.. سعيده

روحي له الحين يالله وإسمعي صوته وكلامه
ولا تشيلي هَم قلبي عِيشي دنياك الجديده

قولي إنك ما عرفتي في الحياة إلا غرامه
وقولي إنك قبل حُبه تمشي في دربك وحيده

ولا تجيبي لي طاري وتسمعي منه ملامه
سولفي عنِّك وعنه وصيري عن قلبي بعيده

وإن بغيتيني تعالي وعوِّضي فيني خصامه
وصدقيني في النهايه إنتي وحدك مستفيده

دام قلبي من غلاتك..... إيتفزز من منامه
أشهد إنه حيل حَبك من وريده لي وريده

وكان همِّي بس أشوفك طايره مثل الحمامه
وإن فرحتي كنت أفرح وأكسر بيوت القصيده

كنت أشوفك في عيوني مثل (زرقاء اليمامه)
وين ما قلبك يسافر كانت عيوني تصيده

شفتي هذا الكون كله بالرجوله والشهامه
لو بغيتيني أبيده .. والله لعيونك أبيده

كنت أحارب لجل حُبك والقوي أكسر عظامه
وكان قلبي لك أسيرٍ وكانت عيوني شهيده

قلبي والله من عرفتك صرت مدري وش علامه
كل ما صرتي في عيني شفت نبضاته شديده

وقدرك اللي إنحنى لي وقلت: عز الله مقامه
عالي قدرك في عيوني وكل ما شفتك أزيده

إنتي لو عني تغيبي صارت جروحي يتامه
خافي الله لا نويتي ولا تضحي في عبيده

كنت أسهر من غلاتك حتى ليلي ما أنامه
وإنتي مشغوله بغيري ودُوم أشوفك تحت إيده

كان ودِّي بس أحظى بحب قلبك وإهتمامه
والشعر عنِّك أقوله وأنتهي منه وأعيده

كنتي أمنيتي بحياتي وكنتي في قلبي مرامه
وإن كتبتك في حُروفي صارت القصه فريده

وكنت أشعِل لك كفوفي لجل أنوِّر لك ظلامه
وإن خذيتي العِلْم مني تطلع علومي أكيده

حتى لما كان يرمي كلَّهَا فيني سهامه
كنت أضَحِّي في حياتي لو نوالك بالمكيده

ما حشمتي قلب شخصٍ له شموخ وله كرامه
وما حسبتي حساب ناسٍ همَّهَا بس النقيده

شاعرٍ ما رَد حتى ...على لبَّاسي العمامه
وقلبك إنتي صار فجأه والله يا حلوه يقيده

في الزمن نادر وجودي ويا كثر فيه الرخامه
وصار عادي في زمنَّا الأخُو يقتل عضيده

الحديده في إيديني والقضيه.. إتهامه
وإنتي القاضي وطبعاً ما تحسي في الحديده

مركبي الغرقان بَسِّك لا تزيدي في حطامه
كل ما ألمح نجاتي صارت أمواجك شديده

صدقيني حيل أحبك والوعد يوم القيامه
ويل من هو كان يكْذِب وكانت ذنوبه جريده

إتركيني لجل عينه .. كان لك حُبه إبتسامه
المهم إنك تكوني يا بعد أحمد سعيده

إنسي اللي صار كله وصيري له منبع هيامه
وإن ذكرتيني بغيابي قولي عن روحي فقيده

ما أبي من قلبك إلا .. طول عمره والسلامه
خَلِّي بالك من زمانك دنيتك هذي عنيده
سلامتكم
تحياتي صعب توصلني

عيناوي · 05 Apr 2008, 02:59 PM

يسلموووووووووووووووا ايدك bander رووووووعة القصيدة و فعلاً معدش منك كتير اليومين دول اللي بيضحوا عشان يسعد الاخر
و ربنا في عون قلبك المجروح
يللي بيفتكرها وين ما يروح
اذا شفتها مرة و ما قدرت تبوح
شيلها من فكرك واستمر في السموح
لك مني تقدير و انت عالي في نظري وشموخ "حاول تنساها "
تقبل مروري

غلا الكون · 05 Apr 2008, 05:42 PM

مشكوووووووووووووور الله
يعطيك الف عافية
وتقبل مرووووووووووري

دندونه حلوه ومزيونه · 07 Apr 2008, 01:56 AM

صحححححححححح لسانك

يعطيك ألف عافيه

على الأبداع

دُمت مبدع

تقبل مروري

دندونه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحذير يوم القيامه قريب.	القائد العام	المنتدى الإسلامي	1	27 Jun 2008 05:35 AM
تحذير يوم القيامه قريب والدليل الرساله	MoMo1983	منتدى المواضيع المكررة	4	27 Dec 2007 02:13 AM
صور ليوم القيامه	rababe	المنتدى العام	1	12 Nov 2007 12:17 AM
مامعنى كلمة أحبك؟؟؟؟؟؟؟؟؟ (أحبك كلمة معناها حياتي وروحي في يدك)	القلب الحنون	المنتدى العام	11	20 Aug 2007 06:42 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152