[عزيزي الزائر يتوجب عليك التسجيل للمشاهدة الرابطللتسجيل اضغط هنا]

الرحماني " السبوع "

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

في يوم السابع للمولود ايام زمان كانو يكحلوا الطفل او الطفلة بكحل حجري ويقرنو جواب الطفل بالكحل وبعصبوها

ويكافلوها , ويعصبوها عشان جبينها يطلع صغير ( على قولتهم لا تطلعلها قورة) ,.,.,
وفي الضهر كانو يسموة السابع , وكانو يخرطو النفسا الى هية الام والخروط يعني ( التحميم او الترويش ) , ويجيبو ورق النيم وحبة بدنجان اسود , ورجلة وكرفس " كانو طبخة اكل"( ببس مني متاكدة وفي ي مني عارفتو ناسيتو المهم ).. ويحطو دي الاشياء في تنكة ويحطوها على نار تغلى ,ويحمومها بيها بس جسمها , وراصها بي الصابون ( طبعا ما عندهم شامبو ولا بلسم ).. وبعدين يبخروها بالمجمرة ( الى هية المبخرة ) ويحطولها لبان شحري.. وتشقح من فوقها النفسا.. وبعدين يمسكو النفسا ويشدروها ( يعني يمرخوها ) ويربطولها بطنها عشان لا تطلع ... ويوم السابع في النهار بس يكونو في اهلها ,.,.,
وفي اليل التسمية ... يسمو المولود يجيبو تبسي تبسي كبير ويحطو فية طراحة وحولين الطراحة على الاطراف التبسي يحطو شموع ستة او خمسة ويحطو البزرة وسطها ,.,.,
وبعدين ينزلوها عندالرجال . ويجيبو يد الهوند ولازو يكون في واحد كبير سيدها ابو امها او سيدها ابو ابوها ويادن في ادنها ويدق الهوند . وبعد ما يسمعو الحريم الدق يغطرفة يعرفو انو البنت اتسمت ... وطبعا دا كلو يسير وهية عند الرجال , وبعد ما تتسمى الرجال يرمو فلوس في ظروف . مسلا الواحد لمن يكون عندو جميل لابو البنت او الولد يحطو الفلوس على البزرة ويسموها رمي .
وبعدين تطلع للحريم ويحطوها في الوسط وإرمو عليها فلوس ويسموها جمايل .
وتاني يوم الرحماني ... اجيبو البزرة ويدوروبيها في الصطوح , ويرشوعليها ملح وحبة سودة وكناسة العطار عشان النفس ,.,.,

وبعد كدا يغنو البزورة ويقولو:

يارب يارحماني ... بارك لنا في الغلامي
المولا سعدنا وهنانا ... واعطانا مولود جديد
من فرحي قلوبنا غنينا ... مبرووووك سابع ساعيد
ياصلاة الزين الله واكبر ... مولودنا المواليد
تتهنا يانونو وتكبر ... والمولاى في عمرك بيزيد

ويردد الاطفال من وراها:

ويادايه ملي الشربه ... يا دايه جاتك ضربه
يادايه هري هري ... يادايه عين العري
يادايه محلى مشيتك ... يادايه انتي وبزرتك
يادايه ياست الكل ... يادايه منديلك فل
ويادايه ياحزمت بصل ... يا دايه سروالك نزل
يادايه ياست الناس ... يافضه والناس نحاس

وبعد ما يغلقو من الرحماني يقسمو ( يعني يوزعو ) حبة حلاوة البتاسي وحبة حلاوة شريكة وشموع
وايوة لازم يسوو العقيقة يعني يدبحو الخروف .. للولد خروفين وللبنت خروف
وبكدة ينتهي السابع ...ويرجع الاطفال مع امهاتهم لي بيوتهم ومعاهم الحلاوة والشموع المنورة.

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

الرحماني عادة جميلة مازالت موجودة الى الان ..

تسلم ايدك على هذا الموضوع الحلو ..

الواد الحلو

يسرني مرورك يا عزيزي


تحياااااااااتي

موضوع حلو ورائع القلب الشجااع

عادات زمان كتيير منهااا حلو

شكرا لك عزيزي

القلب الشجاع
موضوع اكثر من رائع
سلمت يمينك
تحياتى لك والى الامام

[عزيزي الزائر يتوجب عليك التسجيل للمشاهدة الرابطللتسجيل اضغط هنا]




قولد ستون

يسرني مرورك


دمت ودام وصالك


تحيااااااااتي



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

نادرا ماتلاقي احد يعرف انو الرحماني هوا السابع

ودحين العادات مرا اتغيرت عن اول عادات اول كانت احلى

يسلمو على الموضوع الرائع

تقبل تحياتي

مشكور اخي القلب الشجاع على هذه المعلومات الطيبه

تحياتي لك

اخوك / العتيبي فيصل