[عزيزي الزائر يتوجب عليك التسجيل للمشاهدة الرابطللتسجيل اضغط هنا]


هلا بالجميع كيفكم يارب بخير ومبسوطين

بخش دغري بالموضوع ما اعرف مقدمات>> اخلص علينا
امس كنت زاير الوالده بعد صلاة الظهر وجلست عندها لحد تقريبا الساعه2>> لزقه
وطلعت بروح لبيتي وعيالي وانا بالطريق
تفاجأة بسياره قدامي بنص الطريق واقفه
شوي واصدمها
وقفت انا بالطريق العام وشغلت الإشارات عشان الي خلفي ينتبهون
الشارع عام وفيه اسواق ومحلات وبقالاات ومن هالقبيل
انا ركبت السياره بشوف فيها مفتاح او لا
عشان احركها عن الطريق لتفادي الحوادث
لكن سوى خير تلقى شر المهم اني مالقيت صاحب السياره وجلست اصوت واصارخ ولايوجد احد
وقف واحد بجنبي وقال لي وخر عن السياره لاتلمسها معصب الاخ
قلت ليش قال يمكن تكون مسروقه وبصماتك تكون عليها انا هنا وقفت كل شي حتى الجهاز الهضمي وقف معي
قلت با ابن الحلال ماهي مسروقه ماجاوبني ويهاوش انت ماتفهم بالاشياء هذي انا والله خقيتها قلت بس السجن لحد مايطلع براسي نخل رجعت للخلف عن السياره 10متر لكن صاحبها ماجاء العصبي الي يصارخ راح وخلاني لحالي
قلت يارجال دفها عند ذيك البقاله وخلها وانا ادف واحاول وقف راعي ددسن منسم
وش عندك يالحبيب قلت ابد برجع السياره وراء شوي بس قال يالله انا معك بدف دفيناها راح راعي الددسن بقى انا
وانا رايح لسيارتي مسكني واحد من الكتف خيرر قلت الخير بوجهك
مع تعتعه بالكلام شكله عربجي ورايح فيها
قال وش عندك بالسياره ونازل منهاعساك لقيت الي تبي
قلت والله البلشه كيف نتواصل معه هذا
جاوبت انا ابد يالغالي بس سيارتك واصله اخر الشارع وواقفه بالنص وناديت على راعيها ماحصلته قال تكذب انت حرامي
يؤيؤيؤيؤ مدري كيف بلشت فيه
المهم راعي الددسن رجع يبي يشوف وش صار يوم شفته على طوول ناديته
وقف قال امر قلت تعال هذا بلاني اني حرامي وبسرق سيارته
جلس يطالعه بنظرات غريبه كنه ناوي يرجفه على خشمه المايل قال انت ماتستحي الرجال انقذ سيارتك من الحادث وتتبلاه انه يبي يسرقها تهاوشو وانا بوسطهم قلت ياشباب اتصلو بالشرطه وخلاص
وبالاخير اقتنع صاحب السياره انه غلطان
وتعذر
واحمد الله انه مابلاني بالسرقه

اتمنى تعجبكم سالفتي مع المهبول صاحب هالسياره ولا طولت عليكم

اخوكم ابوريماس

هههه
الله رحمك من المخافر وبلاويها
وكمان التهمه هيي والله خطيره
الله ستر هذا اكيد بفضل دعاء الوالده الله يحفظها
تحيااااتي
وتعيش وتاكل غيرها بس بالمزح
هههه

ايوالله الله رحمني

اسعدني مرورك اختي ياسمين