ملاحظة : القراءة باللهجة العراقية


لا يا صديقي
لا يا حبيبتي ..
فات الاوان لا تحذّر
شيفيد بعد التحذير! ؟
أنا عثرت بأول حجر
والعثرة عثرة بنص بير
منهم لله الغدروني منهم لله
منهم لله الخانوني منهم لله
خلو دمعي ينزل دم
ولا شني بني آدم
أعز اثنين يا جرحي
شايلهم وسط روحي
وجهين والعملة وحدة ..
وثوب مقدر عليهم
الشبه نفس الشبه ..
والغدر مزروع بيهم
يا قلبي لا تستغرب ..
كل شيء تشوف العيون
كل شيء بهالزمن جايز..
وكل شيء ممكن يكون
عدوك يرحم بحالك
و أعز أحبابك يخون
####
تصوروا حبي غباء
وطيبتي العميا طريق
فرصة الهم للخيانة
مثلوا دور الصديق
اللي شانت أغلى ناسي
وي صديقي ترافقت
وعيني عينك بالخيانة
وبالخجل ما فكرت
يا ذنب سويته أنا
وبالعكس دنياي دارت
لأن قلبي وفي وطيب
هيشي وياي صارت
اش راح أسوي بالصور
و وين أودي الذكريات
وين ألقى درب خالي
ما الي بيه ذكريات
هيشي يا دنيا البشر
بارع بدور الخداع
غامض وما ينحزر
وبوجه أكثر من قناع
المن أشكي يا زمن
ومنهو يسمع شكوتي
أسكت أحسن يا زمن
وبيدي أعالج حالتي
موتي أرحم من غدر
اللي سميته صديق
اللي جازاني بخيانه
وترك باعماقي حريق
أنا متعود على الهم
و مو جديد الهم عليا
بعد الشافته عيوني
من صديقي ومنها هيا
####
تصوروني الناس أغني
وانا من الداخل مجروح
روحي مثل الطير ترفرف
و شينقص الطير المذبوح
غير الالم والحزن والجروح
تظلم لو ترحم يا زمن
ماعاد يأثر بيا
اذا أغلى الناس خانوا
شتعوض انت ليا
صدقني ظلمك يا زمن
أهون الي من جروحي
على الاقل ظلمك ينسي
وما يظل يعذب روحي
ضيعتني يا صديقي ..
و ظلمتني ..
وجرحتني ..
وظلمت روحك وروحي
و ضيعت مني الامان
اذا انت تظلم ..
بعد شيسوي الغريب
صديقي وجرحي منك
وانا لجروحك طبيب
####
روح ..
روح الله اليسامح
أنا ما عندي سماح
روح ..
الملح والزاد خنته
الوفا وياك راح
أعترف أنا خسرتكم
و خسرت كل شي بثواني
لكن اللي يعز عليا
راح أظل وحدي أعاني
..
و انتي ؟؟
انتي ياللي شنتي بعيوني ملاك
قلتي آنا عمري وعيوني فداك
صورتي الدنيا من غيري
أبد ما تعيشين بيها
قلتي عنها ظلمة لكن
نور وجهك مضويها
قلتي بليالي الشتا
عيوني ما تآخذ نوم
أفكر بيك بردان
لو دافي وشابع نوم
شنتي بالنسبة الي
مثل للحب والجمال
كلمة ما كاتبها شاعر
ولوحة من نسج الخيال
عمري ما شكيت مرة
ورى هالطيبة خداع
هيشي العيون البريئة
تغدر وتنكر بساع
#####
هاجت الريح بغضبها
وكسرت بلحظة الشراع
وكل شيء ضااااع ..
خوفي من خوفي ليكبر
و خوفي ما افارق الدمعة
و ابقى وحدي بالليالي
وما أثق بضوء شمعة
المن أشكي و المن أحشي
وحشيي بس أنا الأسمعه
اصرخ يا ضمير..
اصرخ ..
اصرخ بوجه اللي يظلم
اصرخ بوجه اليخون
اصرخ وصحِّي المنافق
اصرخ وصحِّي المخادع
منهم لله ..
منهم لله ..
منهم لله الخانوني ..
الباعوني ..
الغدروني ..
منهم لله
__________________[IMG]http://alsafa.net/vbb/pic/hgfgfdf%20(1).jpg
IMG]لاياحزن يكفى الجرى ..من عمرى خلينى
طبعى أنا عاطفى وكل شى يبجينى
ماأشتكى من الزمن ..أشكى من سنينى
مليان قلبى حزن ..منو يكدر ينسينى
لو بالحزن جان احزنت لك كل سنينى الجايه
ولو بالدمع جان ارخصت لك كل دموعى الغالية






تحيااااااااتي
الامير الحزين

لو احكي لك قصة حياتي تكره نفسك

الامير الحزين قصة تبكي وهي متكررة بهذا الزمن الي ماكو بي امان

وانت عراقي؟؟؟؟؟؟؟؟؟؟؟؟؟