ماهو اسو ء موقف وضعك فيه طفل ولم تستطع فعل شيء

ya_natoo · 17 Mar 2007, 12:31 AM

ابغا كل شخص يحكينا عن موقف محرج حطوا فيه طفل
ولدك او بنتك واخوك او اختك او اي طفل !!
اناراح احكيكم بنت اختي مرا ايش سوت فيها واليكم الحكاية
كانت اختي دوبيها ناقلة في بيت جديد وطبعا البيوت الجديدة مفاتيح الأبواب عليها
كان يوم الأربعاء وزوجها عنده عزومة في الليل عشا صارت الساعة 11 بعدين خرج زوجها وهيا وبنتها فاتحين التلفزيون بيتفرجوا وفيه اغنية ياطب طب وهي اغنية ملفتة للأطفال تركت بنتها تتفرج عليها وراحت المطبخ تبغا تلم اكياس قدام الباب حقت المطبخ وتبغا تشيلها وتحطها ورا الباب وماتلاقي غير بنتها( عمرها سنتين ونص) تقفل الباب الي عليه المفتاح وتصك القفل وهيا مو قادرة تستوعب الي صار تحاول تفتح الباب مو قادرة حاولت تكلمها تفهمها لكن مافي فايدة لا وايش تقولها
انتي غسلي الموائيين انا اتفلز يا تب تب حليكي زوا
امهااتقولها: يا حبيبتي فكيلي الباب ماما انا حبيتبك نلعب سوا طبعا لا حياة لمن تنادي ولاهيا هنا وتطالع في يدها الرموت معاها ايش تسوي بيه تخترع منه اتصال بعدين بدأت تبكي راحت تكلمتها تعرفي تقفلي التلفزيون الحمدالله وقلتلها جيبي العابك وجلست عند الباب الساعة 1 بعد منتصف الليل نامت جابت مخدتها عند باب المطبخ ونامت
واختي قال ايش جابت السكينة الي بمنشارتحاول تفتح الباب لكين فين؟؟؟ هبل بس
الساعة 3ونص من فضل ربي انها ساحبة المفتاح حق الباب حق الشقة
جا جوزها اخيرا بعد صبر طويييل 4 ساعات ونص خلاص اول ما سمعت انسحاب الأصانصير بدأت تبكي
العمارة جديدة مافيها غيرهم
فتح الباب يدور عليها لأنو اتصل كم مرا ومحد رد استغرب فتح باب المطبخ
وقعد يضحك عليها
وهيا تبكي
كان يوم صعب الحمدالله انو بنتها بس ما صار لها شيء داك اليوم ونامت والله ربنا نجاهم
وهدي قصتي انشالله بس ما تضحكوا عليها
حبيت انقلها ليكم
الين ما احكيكم حكايه معايا

THE RED ROSE · 17 Mar 2007, 03:03 AM

هههههههههه ,,,
والله فكرتيني بوحدة زيها ,,,
كان ولد اخوي صغير عمره تلات سنين دخل غرفة نوم اخوانه وقفل الباب وكان الوقت الظهر ,,,
وصاروا يقولوا له فك الباب لف المفتاح ولا حياة لمن تنادي ....والمصيبة ان المفتاح قاسي يبغالوا قوة وكان
الشباك مفتوح وما فيه شبك ووراهم حفريات شارع,,, وكانوا يقولوا له جيب المفتاح من تحت الباب يعطيهم ملابس او العاب ,, وبعدين اخوي راح يجيب نجار يكسر الباب ,, لكن للاسف في الظهر اغلبهم مقفلين ...
وقعدوا تقريبا الين الساعة 4ونصف العصر وولد اخوي ما صار ليه صوت وهم خافوا لا يكون نط من الشباك
ولا صار له شي .. واخيرا جا النجار وخلع الباب.. لقوا الولد المسكين نااايم والملابس .. الحمد لله كلها برة الدولاب.. واللي راميها في الشارع .. مسوي عملية تبرع بالملابس .. لكن بركة عدت على خيييييييير

القطه المشاكسه · 17 Mar 2007, 07:38 PM

بصراحه انا ماتذكر موقف زي كدا بس في موقف مااااقدر انساه ابداً

لما نزلت تربية عملي رحنا احد المدارس الابتدائيه

وطبعاُ على بالنا انو بنات الابتدائي هبل كلمتين زغرتين ويهجدوا

المهم كل اسبوع تتغير طريقة توزيع الحصص والفصول الاسبوع الاول مر معايا اخر حلاوه

الاسبوع التاني اعطتني المشرفه فصل كل صحباتي الي دخلوا الفصل دا قالولي الله يعينك بنات قليلات ادب مره

لا وكمان عنيدات مايسمعوا الكلام قلتلهم ايش

المهم دخلت الفصل وكان عندي درس عن التنفس (علوم )

وجبتلهم رئة حقيقيه (خروف ) عشان الموضوع يكون عملي

وكان من حظي الخطير تقييم لاقيت المشرفه داخله عليا هيا وصحباتي طبعاً لازم عشان يشتغلوا نقد

بدأت درسي وبدأت شرحي واثناء مابشرح صحباتي بياشرولي على وحده (قالولي عليها انها مره عنيده ولئيمه ) خصرتهم كملت شرحي واثناء مشاركة الطالبات لاحظة البنت دي مابتشارك

قلتلها قومي ياللا ياشاطره جاوبي والي يجاوب طبعاً ليه ايه (هديه )

هيا حبيتي هيا ياستي هيا يانور عيني والبنت لاحياة لمن تنادى

ياماما خليكي بطله وقومي جاوبي

ابداً

ليه طيب مانتي عارفه الاجابه

مافي اي رد

طبعاً انا ولعت بس ماسكه نفسي عشان مين

طيب مين تجاوب قامت طالبه وجاوبت

طيب رجعت للبنت تاني هيا حبيبتي عيدلي الاجابه

ابداً

مصره

قلتلها طيب قومي اوقفي فهميني ليه ماتبغى تجاوبي

ماهي راضيه مسكت اعصابي لابعد حد

جيت عندها قربت منها وعلى مااخبط بعيني الاقي البنت فيها اعاقه في رجلها

طبعاُ انا مو انفجعت كنت خلاص حبكي مسكت نفسي حاولت اركز وماااابين عليا

مسكت يدينها ومسكت المناديل وقلتلها هدا ايه ياقمر

قالتلي مناديل قلتلها اش ريحتوا قالتلي عطر

قلتلها ممتازه صفقولها

وهادي هديتك ياستي

صحباتي ولعوا ليه اعمل كدا طبعاً هما ماهم فاهمين انو البنت تعبانه

بس وانتهت الحكايه بعد شد اعصاب

واعطتني المشرفه امتياز لحسن تصرفي

دي حكايتي اتمنى اني ماااكون طولت عليكم الا الـــــــــــــــــــــــــــــــــــــ طولت

هههههههههههههههههههههه

مشوا حالكم

ya_natoo · 21 Mar 2007, 12:12 AM

روووز
سلامت ولد اخوووي
واشكر مشااركتك

قطتي
ايش الحركاااات دي

الله يشفيها يا رب
ويجبر بخااطرك
وصحبااتك يبغالهم ضرب

قصه تبكي وتحزن
تعالي انقذيني بمناديل بسررررعه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تحول وضعك السيئ إلى .. منجْم ذهب	القلب الشجاع	البرمجة اللغوية والعصبية	22	19 Jul 2008 03:20 PM
موقف صار لي امس!!	ابوريماس	قصص وروايات	2	17 Mar 2008 08:19 AM
عند وضعك الماكياج يجب ألا تغيب عنك تلك الأمور :	الوردة الحلوة	عطور،مكياج،اكسسوارات	1	22 Nov 2007 02:28 PM
قضيبك صغير ... لا بلاش ... كبير .... ماهو مريحك؟ ماهو عاجبك ...تعال	توم كروز	المواضيع المكررة	5	15 Nov 2007 09:51 PM