مشكلتي عويصة مع رجل ليست فيه صفة رجوليه واحده ؟؟

البنت سمــر · 04 Dec 2007, 04:14 AM

مشكلتي كبيرة قولوا لي شنو اسوي ؟؟؟

كتبت كتابي وكنا بنتزوج بسرعه وصار كل شيء بيننا ( شخصيته تخرع )

هو مثل القنبلة الموقوته المهم أننا كنا راح نتزوج بسرعه بس بعد اللي صار

اننا تزوجنا طلع كل شيء على حقيقته صاار رجال ثاني متوحش وفظ ومافي اخلاق

كل اللي كنت اسمعه عنه وكنت اعتقد انه مزح طلع كله حقيقة والزواج

صاار يأجل ويأجل ويطلع العذاريب وصار يبتعد وأخلاقة الحقيقة تطلع

طلع أنه انسان أناني درجة أولى وعنيييد جداً وغبي كثييير ما يفهم

ويبي كل شيء على كيفه بالطقاق بالعادات والتقاليدوالعائلة والدين مش مهم

العيلة وكلام الناس عنده مووو مهم ..

زواجي تأجل سنتين وكل ما يجي وقت الزواج يأجل أكثر وأكثر

سمعني من الإهانات كثير وما يتصل فيني أبداً .. معاملتي أنا له زي العسل

كلام حلووو وهدايا وأكلمه أنا وهوه ما يتنزل يكلمني المشكلة انه شخص زي الزفت ما يكلم

واذا كلم يقط على كلمة كبيرة وقاطع له سنة ونص وزواجي قريب

وما اعرف عنه شيء بكل هالوقت اللي راح .. وهوه وعدني ان بيوديني شهر عسل لان ما عمل لي زواج

لكن الحين كنسل وألغى شهر العسل ؟؟؟

وبخييييييييييييييل درجة أولى بأخلاقة وتعامله حتى الحب يقطر علي

ما أدري شنووو أسوي فيه

عذبني طووول السنتين هذي مع إنه لازم كان أحلى أيام تكووون

خلاهم شهووور كحليه وسودة

وراح أتزوج واحد من كثر معاملته السيئة لي وإهاناته صرت أكرهه

المشكلة ان طلاق ما يبي يطلع على اساس انه يبيني ويحبني

شنووو هالحب اللي تعامله كله كره في كره ؟؟؟!!!!

مافي احترام لي أبداً ولا لأهلي ولا لأي أحد

كيف اعيش مع واحد كذا وشنو اسوي اول ما التقي فيه في يوم زواجنا

بليييييز اللي عنده وجهة نظر يقول لي ويعلمني لاني في مشكلة كبيرة

إيييي هوه قفل وما يفهم وجربت فيه كل شيْ ..

أهاااااا ويهمه كثير الفلووس وأعتقد انه متزوجني علشان فلوس أهلي واني بنت عز

الحل يا ناااس تعبت انا والناس حواليني من أهل ومعارف والكل يترحم علي ؟؟؟

شنو اسوي فيه يا أقتله أو أنتحر ؟؟

التاج1 · 04 Dec 2007, 11:16 AM

اصبري وحاولي تعدلينه والا اطلبي الطلاق اذا نفذ الصبر الفكه من هالاشكال نعمة لانه مايفهم معنى زوجة وشريكة حياة والطمع يعمي الشخص حتى من اقرب ناسه واتمنى لك التوفيق وحياة سعيدة

فراس · 04 Dec 2007, 11:29 AM

اختي مادامك في البداية لابد تعملي حل لها الامور ..
لازم اهلك يدخلو .. والدك اخوانك .. يزوروه .. يشوفو الرجال .. واعتقد ها الشي مفروض كان قبل الخطوبة كمان ..
يشوفو الرجال .. اذا ثبت لهم .. اعتقد ان التراجع اسهل بكثير الآن من المضي في حياة طويلة لن يسير مركبها الا بجناحين متناسقين ...

تقبلي تحياتي .. واتمنى لك التوفيق من كل قلبي ..

طيرالغرام · 04 Dec 2007, 12:18 PM

الحل هو كثر الطق يفك اللحام
اولا اقول الله يكون في عونك وعون اهلك
عليك بطلب الطلاق منه وذلك عن طريق عدة طرق عن طريق التفاهم او عن طريق المقايضه بالمال مثل ماقلتي انك بنت عزاو عن طريق المحاكم واذا مافاد توكلي على الله واستخدمي طريقة زرقاء الدماء يعني اجعليه مايحصل على راحه في هذه الدنيا خسريه في اموله عن طريق تخريب كل ماينوجد في البيت
والله الموفق

ابو عبد العزيز · 04 Dec 2007, 05:00 PM

أولا أختي الكريمة ,كان الله في عونك وعون أمثالك من البنات وهم كثير جدا ,الرجل الي معاك طبعه غريب وعجيب يعني أناني بعواطفه وأناني بمادته ؟ايش يبقى في الإنسان لين يفقد كل المعاني هذي؟,مالك الا الصبر وأنصحك بكثرة الدعاء إنه ربنا يحنن قلبه عليك وتنقلب الفظاظة الي يعيشها معاك الى ألفة ومودة,وانت كمان لاتبخلي عليه بالكلمة الحلوة,, الله عز وجل يقول:{ولا تستوي الحسنة ولاالسيئة,ادفعْ بالتي هي أحسن ,فإذا الذي بينك وبينه عداوة كأنه ولي حميم}صدق الله العظيم

وكان الله في عونك معاه

بنت شيوخ · 04 Dec 2007, 05:52 PM

كسرتي خاطري غاليتي الي ابي اقوله وين اهللك عنك وين ابوك واخوانك خليهم يكلمونه ويهددونه ويحس ان عندك رجاجيل واقفه وراك مو مقطوعه من شجره وليش انتي ماتوقفينه عند حده وتقعدين معاه قعده تناقشين وضعك معاه وتصفين الموضوع اما ان يتسنع حاله اي رجال والا الي دخله بالمعروف يطلعه بالمعروف والا طلبي الطلاق مادام انك توك معاه في البدايه قبل للتتزوجون وتجي الاطفال وتصير الضحيه وصعبه تنحل المشكله
ارجو اختي تتقبلي ردي لاني انشحنت وتفاعلت في الموضوع

البنت سمــر · 04 Dec 2007, 08:00 PM

اقتباس:

المشاركة الأصلية كتبت بواسطة التاج1 [عزيزي الزائر يتوجب عليك التسجيل للمشاهدة الرابطللتسجيل اضغط هنا]

اصبري وحاولي تعدلينه والا اطلبي الطلاق اذا نفذ الصبر الفكه من هالاشكال نعمة لانه مايفهم معنى زوجة وشريكة حياة والطمع يعمي الشخص حتى من اقرب ناسه واتمنى لك التوفيق وحياة سعيدة

مشكووور اخوي على نصيحتك .. وأنا طلبت منه الطلاق بس رفض

وقال : خلي أبوك يكلمني ويقول طلق بنتي بعدين راح أطلق

بس كله كلام هو ما صدق حصلني ويحلم يحصل بنت مثلي وما راح يتركني

وممكن يجي أحد يتزوجني وراه ويموووت قهر أن تركني ..

هو لا يرحم .. والطمع مآكله أكل كل حياته فلوووس وللأسف أنه غني ومش محتاج

بس مرض اللهم عافينا من هالمرض .. يبي وحده شخصية وكل شيء وتصرف على نفسها

يبي يستفيد مني قدر الامكان .. وهو ميت الضمير ..

البنت سمــر · 04 Dec 2007, 08:04 PM

اقتباس:

المشاركة الأصلية كتبت بواسطة فراس [عزيزي الزائر يتوجب عليك التسجيل للمشاهدة الرابطللتسجيل اضغط هنا]

اختي مادامك في البداية لابد تعملي حل لها الامور ..
لازم اهلك يدخلو .. والدك اخوانك .. يزوروه .. يشوفو الرجال .. واعتقد ها الشي مفروض كان قبل الخطوبة كمان ..
يشوفو الرجال .. اذا ثبت لهم .. اعتقد ان التراجع اسهل بكثير الآن من المضي في حياة طويلة لن يسير مركبها الا بجناحين متناسقين ...

تقبلي تحياتي .. واتمنى لك التوفيق من كل قلبي ..

أهلي عملوا يا حياتي كل اللي يقدرون عليه بس ما يبون مشاكل

لأن أهله واخوانه مو قادرين عليه ( أنا حاولت المستحيل ) والكل يقول

أن كل الرجال كذا في بداية الزواج بس شوي زوجك أكثر وراح يتعدل

بس يبي له صبر أيووب .. وانا في نظري يبي له طق من القلب لان ما شاف

أحد يخوفه ويعرفه أن الله حق ..

لأن اخواني ببساطة عارفين أن هذا الرجال مش محترم وممكن يقل أدبه ويشتم

وبعدها ما راح ينفع الحياة وما يبوون أتطلق ( منطق غريب ) ومو فاهمته

البنت سمــر · 04 Dec 2007, 08:09 PM

اقتباس:

المشاركة الأصلية كتبت بواسطة طيرالغرام [عزيزي الزائر يتوجب عليك التسجيل للمشاهدة الرابطللتسجيل اضغط هنا]

الحل هو كثر الطق يفك اللحام
اولا اقول الله يكون في عونك وعون اهلك
عليك بطلب الطلاق منه وذلك عن طريق عدة طرق عن طريق التفاهم او عن طريق المقايضه بالمال مثل ماقلتي انك بنت عزاو عن طريق المحاكم واذا مافاد توكلي على الله واستخدمي طريقة زرقاء الدماء يعني اجعليه مايحصل على راحه في هذه الدنيا خسريه في اموله عن طريق تخريب كل ماينوجد في البيت
والله الموفق

هههههههههه والله مع اني حزينه بس جلست أضحك على الحل .. حلوووو

أخرب كل اللي في بيته .. انا راح أسكن مع اهله وبالنسبة لفلوسه فهو بخيل

يعني تخسير ما راح يخسر مني لكن هوه كل يوم يخسر بالاسم وما يتعض من تجربته بالخساره

مووو قلت لكم غبي هو أكبر غبي بالدنيا واكرهه بعد ازود لأنه شين وغبي بعد يا ريت كان ذكي ..

والطلاق اهلي مش واقفين معاي فيها .. ويقولون كله ولا طلاق شنوو اسوي ؟؟؟

البنت سمــر · 04 Dec 2007, 08:14 PM

اقتباس:

المشاركة الأصلية كتبت بواسطة ابو عبد العزيز [عزيزي الزائر يتوجب عليك التسجيل للمشاهدة الرابطللتسجيل اضغط هنا]

أولا أختي الكريمة ,كان الله في عونك وعون أمثالك من البنات وهم كثير جدا ,الرجل الي معاك طبعه غريب وعجيب يعني أناني بعواطفه وأناني بمادته ؟ايش يبقى في الإنسان لين يفقد كل المعاني هذي؟,مالك الا الصبر وأنصحك بكثرة الدعاء إنه ربنا يحنن قلبه عليك وتنقلب الفظاظة الي يعيشها معاك الى ألفة ومودة,وانت كمان لاتبخلي عليه بالكلمة الحلوة,, الله عز وجل يقول:{ولا تستوي الحسنة ولاالسيئة,ادفعْ بالتي هي أحسن ,فإذا الذي بينك وبينه عداوة كأنه ولي حميم}صدق الله العظيم

وكان الله في عونك معاه

مشكووور اخوي والله انا جالسة ادعي من كل قلبي يا رب يتغير لان ماعندي الا ربي

ولان هوه ما شاف مني الا الطيبة وحسن الكلام واذا قلت شيء صغير غيره بليييز

واقولة له بهدوء يعصب علي ويقلب حياتي فوق تحت ويبدء يعذب فيني

يقوول ابي أربيك ؟؟؟ وانا عمري ما عملت له شيء

ولو كنت غلطت معاه بشيء في يوم ما كان يحتاج لكل هذا عذاب بس هوه

يسمع من اللي حوالينه عن النساء ولما يشوف اخوانه كيف يحترمون زوجاتهم

يعصب ويشووط ويصب جام غضبه علي لأن في نظره المرأة يجب أن تنداس وتعمل كالخادمة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليست واهمه	اسرار القلوب1	العشاق	15	03 Jul 2008 01:25 AM
#........ما هو مشكلتي............ ما حلها..........#	اميرة الظلام	الحوار الجاد	9	31 May 2008 05:14 PM
ارجوكم حلو مشكلتى بسرعة	ام عزوز	المواضيع المكررة	3	12 Mar 2008 01:49 AM
مشكلتي	دندن$	الحوار الجاد	4	14 Oct 2007 04:27 AM