فكرة حلوة اوي للمنتدى
بسم الله الرحمن الرحيم
انهارده وانا اعد افكر جاتلى فكرة جامدة للمنتدى ويا رب تعجبكم كلكم , هى تقريبا مش فكرة دى مسابقة وانشاء الله هتعمل شغل جامد فى المنتدى.
المسابقة عبارة عن فرق او مجموعات كل خمس اعضاء يكونوا مجموعة وكل مجموعة تختار عضو منها يكون نائب عنها والنائب ده هو اللى هيبعت الرد اللى فيه اسماء اعضاء المجموعة واسمها وهو اللى هيبعت الموضوع بتاع المسابقة .
فى خلال اسبوع كده تكون كل الفرق جاهزة للمسابقة وبعد تحديد الفرق هتبتدى المسابقة وهى ان كل فريق هيتعاون عشان يطلعوا موضوع قوى ينافس بقية الفرق والموضوع ده انشاء الله حاولوا تجهزوه فى خمس ايام بالكتير .
بعد ما تخلص المواضيع نائب الفريق هيبعتها وبعد كده هيكون فى لجنة تحكيم اللى هى ميدو اليكس ومعاه بينك دايموند هيقرروا انهى اجمل موضوع .
شروط المسابقة :
1-ماتزيدش المجموعة عن خمس اعضاء.
2-مش مسموح لاى عضو انه يغير فريقه .
3- الموضوع مش مرتبط بمجال معين.
4- محدش يزعل من لجنة التحكيم طبعـــــــا .
بس هى دى الفكرة ويا رب تعجبكم وكلكم تشاركوا